გერმანიის პოლიცია 24 წლის ტუნისელს ეძებს, რომელიც საშობაო ბაზრობაზე თავდასხმაშია ეჭვმიტანილი

მსოფლიო - 15:18, 21 Dec, 2016

4198

გერმანიის პოლიცია 24 წლის ტუნისელს ეძებს, რომელიც ბერლინში საშობაო ბაზრობაზე თავდასხმაშია ეჭვმიტანილი.

გერმანული მედიის ცნობით, მას შემდეგ რაც პოლიციამ შეცდომით უდანაშაული მამაკაცი დააკავა და შემდეგ გაათავისუფლა, ახალი ეჭვმიტანილის შესახებ გახდა ცნობილი.

გავრცელებული ცნობით, პოლიციამ აიდი ბარათი იპოვა.

სამართალდამცავები ვარაუდობენ, რომ ის შეიარაღებულია და შესაძლოა, თანამზრახველებიც ჰყავდეს.

შეგახსენებთ, ინციდენტი ბერლინში 19 დეკემბერს, ადგილობრივი დროით 20:14 საათზე მოხდა. სატვირთო მანქანა საშობაო ბაზრობის ტერიტორიაზე შევარდა და დაახლოებით 50-80 მეტრი გაიარა. შემთხვევის შედეგად დაიღუპა 12 ადამიანი, 48 დაშავებული საავადმყოფოში მოათავსეს.

ბაზრობა სადაც შემთხვევა მოხდა, ბერლინში ბრაიდშაიდპლაცზე, მთავარ სავაჭრო ქუჩის დასავლეთით მდებარეობს.

სამართალდამცავებმა მანქანაში აღმოაჩინეს ასევე გარდაცვლილი ადამიანი, რომელიც პოლონეთის მოქალაქეა. სწორედ, მის სახელზე იყო გაფორმებული მანქანის დოკუმენტაცია. გერმანული მედია წერს, რომ სატვირთო მანქანის მძღოლი თავდასხმის მომენტში ცოცხალი იყო და ის სავარაუდოდ თავდამსმხელმა მოკლა.

აღსანიშნავია, რომ სატვირთო მანქანა პოლონურ კომპანიას ეკუთვნის, რომელიც მკვლელობის გამოძიებას ითხოვს.

თავდასხმაზე პასუხისმგებლობა ტერორისტულმა დაჯგუფება „ისლამურმა სახელმწიფომ“ აიღო.