სირიის კრიზისი - ,,რუსეთი-თურქეთი-ირანი მოლაპარაკებების ყველაზე ეფექტური ფორმატია"

მსოფლიო - 14:29, 21 Dec, 2016

2983

სირიის საკითხის განსახილველად, მოსკოვში რუსეთის, თურქეთისა და ირანის საგარეო საქმთა მინისტრების შეხვედრა გაიმართა.

სამმხრივი მოლაპრაკებების დასრულების შემდეგ, რუსეთის პირველმა დიპლომატმა სერგეი ლავროვმა განაცხადა, რომ სირიის საკითხის მოსაგავრებლად მოლაპარაკებების ეს ფორმატი ბევრად უფრო ეფექტური აღმოჩნდა, ვიდრე სხვა დანარჩენი.

„მჯერა, რომ ეს ყველაზე ეფექტური ფორმატია. ეს არ არის ჩრდილის მიყენების მცდელობა სირიის კრიზისის დარეგულირებაში მონაწილე ჩვენი პარტნიორებისთვის. ეს უბრალოდ ფაქტის კონსტატაციაა“ - განაცხადა ლავროვმა.

ლავროვის თქმით, რუსეთი, თურქეთი და ირანი მზად არიან სირიას სამშვიდობო შეთანხმების მიღწევაში დაეხმარონ და სირიის მთავრობასა და ოპოზიციას შორის მოლაპარაკებების შესრულების გარანტი იყვნენ.

თურქეთის საგარეო საქმეთა მინისტრის მევლუთ ჩავუშოღლუს განცხადებით, შეხვედრაზე ალეპოს ჰუმანიტარული კრიზისი, მოსახლეობის ევაკუაცია და პოლიტიკური საკითხები განიხილეს.

მისივე თქმით, ის რომ რუსეთი, თურქეთი და ირანი ერთმანეთს ამ ფორმატში შეხვდენენ, „ეს თავისთავად მნიშვნელოვანინ მოვლენაა.“

აღსანიშნავია, რომ თურქეთში რუსეთის ელჩის მკვლელობის მიუხედავად, შეხვედრა არ გაგადებულა და თურქეთის საგარეო საქმეთა მინისტრი მოსკოვში მაინც ჩავიდა.