უკრაინელმა დეპუტატმა რუსეთის ელჩის მკვლელს გმირი უწოდა

მსოფლიო - 12:12, 20 Dec, 2016

12167

უკრაინის რადას დეპუტატმა ლვადიმირ პარასიუკმა ანკარაში რუსეთის ელჩის მკვლელს გმირი უწოდა.

ამის შესახებ პარასიუკმა ფეისბუკის გვერდზე დაწერა.

„როდესაც ადამიანი თავისი სიცოცხლის ფასად მზად არის მიიღოს უკიდურესი ზომები, იდეისთვის, სიმართლისთვის, მაშინ დარწმუნებით შეიძლება ითქვას - გმირი“ - წერს პარასიუკი.

სტატუსთან ერთად დეპუტატმა მკვლელის ფოტო გამოაქვეყნა, კომენტარებში კი დაწერა
, რომ ის „თავისი ხალხისთვის გმირია.“

უკრაინელი დეპუტატის პოსტს არაერთგავროვანი გამოხმაურებები მოჰყვა. სოციალური ქსელის მომხარებელთა ნაწილი მის მოსაზრებას ეთანხმება, ნაწილი კი წერს, რომ „უიარაღო ელჩის მკვლელობა არა გმირობა, არამედ ტერაქტია.“

შეგახსენებთ, თავდასხმა ანკარაში, ფოტოგამოფენის გახსნაზე მოხდა, სადაც თურქეთში რუსეთის ელჩი ანდრეი კარლოვი სიტყვით გამოდიოდა. მას ზურგიდან ესროლეს. გავრცელებული ცნობით, მკვლელი ანკარაში პოლიციის ოფიცერი, 22 წლის მევლუთ მერთ ალტინტასია, რომელიც სამართალდამცავებმა მოკლეს. გასროლის შემდეგ მისი სიტყვები იყო: "ჩვენ სირიაში ვიხოცებით, თქვენ აქ დაიხოცეთ."

თავდასხმა უკვე შეფასდა ტერორისტულ აქტად. მკვლელობის შემდეგნ რუსეთ-თურქეთის პრეზიდენტებს შორის სატელეფონო საუბარი შედგა. ორივე პრეზიდენტმა დააფიქსირა, რომ ეს პროვოკაციული ქმედებაა, რომელიც ორი ქვეყნის ურთიერთობის ნორმალიზაციის წინააღმდეგ არის მიმართული.