პუტინი აშშ-ის წინააღმდეგ განხორციელებულ კიბერთავდასხმებში პირადად მონაწილეობდა

პუტინი აშშ-ის წინააღმდეგ განხორციელებულ კიბერთავდასხმებში პირადად მონაწილეობდა - თეთრი სახლი

მსოფლიო - 11:00, 16 Dec, 2016

6143

აშშ-ის პრეზიდენტის, ბარაკ ობამას ადმინისტრიაციაში აცხადებენ, რომ რუსეთის პრეზიდენტი ვლადიმერ პუტინი აშშ-ში წინასაარჩევნო კამპანიის დრო განხორციელებულ ჰაკერულ ოპერაციაში უშუალოდ მონაწილეობდა.

როგორც ბარაკ ობამას მრჩეველმა ბენ როუდსმა განაცხადა, ვლადიმერ პუტინი მკაცრად აკონტროლებს ყველა ოპერაციას, რომელსაც რუსეთის მთავრობა ახორციელებეს, შესაბამისად, ის მომხდარის შესახებ ინფორმირებული იყო.

"ყველაფერი, რაც ჩვენთვის ცნობილია იმის შესახებ,როგორ მოქმედებს რუსეთი, როგორ აკონტროლებს პუტინი თავის მთავრობას, მიუთითებს იმაზე, რომ ელექტრონულ ჩარევაზე საუბრისას, საქმე გვაქვს ხელისუფლების უმაღლეს ეშელონებთან” - განაცხადა როუდსმა.

„და რა თქმა უნდა , პუტინი ოფიციალური პირია, რომელიც რუსეთის მტავრობის ქმედებებზე პასუხს აგებს“ - დასძინა ბარაკ ობამას მრჩეველმა.

ამავდროულად, თეთრი სახლის პრესსპიკერმა ჯოშ ერნესტმა განაცხადა, რომ კიბერშეტევაში პუტინის მონაწილეობის ფაქტი , აშკარაა.

აშშ-ის პრეზიდენტმა ბარაკ ობამამ განაცხადა, რომ ვაშინგტონი მიიღებს სათანადო ზომებს იმ რუსი ჰაკერების წინააღმდეგ, რომლებიც აშშ-ის საარჩევნო პროცესში ჩარევას ცდილობდნენ.

„ზოგიერთი ზომა ყველასთვის ნათელი იყო, ზოგიერთი კი არა“ - განაცხადა ობამამ.

ამას გარდა, თეთრი სახლის პრესმდივანმა ჯოშ ერნესტმა აღნიშნა, რომ მისი აზრით, ჰაკერულ ოპერაციაში ვლადიმერ პუტინის მონაწილეობის ფაქტი აშკარაა.

რუსეთის ხელისუფება აშშ-ის საპრეზიდენტო არჩევნების წინ განხორციელებულ კიბერთავდასხმებთან კავშირს კატეგორიულად უარყოფს.