ევროპარლამენტმა პლენარულ სესიაზე ე.წ. შეჩერების მექანიზმის შეთანხმებული რეგულაცია დაამტკიცა.

აღნიშნულ ინიციატივას მხარი ევროპარლამენტის 485 წევრმა დაუჭირა, 132 წინააღმდეგ წავიდა, ხოლო 21-მა დეპუტატმა თავი შეიკავა.

განახლებული რეგულაციის მთავარი მიზანია უკვე არსებული შეჩერების მექანიზმის გაძლიერება.

შეჩერების მექანიზმი ეს არის სავიზო ლიბერალიზაციის წინაპირობა და საშუალებას აძლევს წევრ ქვეყნებს, რომ ევროკომისიას მოთხოვოს დროებით შეაჩეროს უვიზო მიმოსვლა იმ ქვეყნისთვის: საიდანაც მკვეთრად გაიზრდება არალეგალი მიგრანტების რაოდენობა; გაიზრდება თავშესაფრის მოთხოვნები და არ ითანამშრომლებს მიგრანტების უკან დაბრუნებაზე.