რუსეთის საგარეო უწყება ჟენევის მოლაპარაკებების მორიგ რაუნდს ეხმაურება

მსოფლიო - 10:45, 15 Dec, 2016

1969

რუსეთის საგარეო უწყება ჟენევის მოლაპარაკებების მორიგი რაუნდის დასრულებაზე განცხადებას ავრცელებს . მოსკოვი აღნიშავს, რომ თბილისი კიდევ ერთხელ შეეცადა დაეწესებინა ფორმულირება უსაფრთხოების საერთაშორისო მექანიზმის შესახებ, აფხაზეთსა და სამხრეთ ოსეთში სიტუაციის მონიტორინგისთვის.

„მონაწილეებმა შეაფასეს აფხაზეთისა და სამხრეთ ოსეთის საზღვართან სიტუაციის სტაბილურობა. თბილისი კიდევ ერთხელ შეეცადა დაეწესებინა ფორმულირება უსაფრთხოების საერთაშორისო მექანიზმის შესახებ, აფხაზეთსა და სამხრეთ ოსეთში სიტუაციის მონიტორინგისთვის. აღნიშნულ საკითხს შემდეგ რაუნდზე დავუბრუნდებით“ - ნათქვამია განცხადებაში.

განცხადების თანახმად, მიუხედავად ინციდენტებისა, ე.წ. საზღვრებზე მოსახლეობის გადაადგილების უსაფრთხოება სათანადო დონეზე უზრუნველყოფილია.

„ამას ადასტურებს სტატისტიკა: საზღვარი აფხაზეთსა და საქართველოს შორის წლის განმავლობაში 1 მილიონზე მეტმა ადამიანმა გადაკვეთა. სამხრეთ ოსეთსა და საქართველოს საზღვარი კი 350 ათასმა ადამიანმა“ - აღნიშნულია საგარეო უწყების განცხადებაში.

რუსეთის საგარეო უწყების თქმით, აფხაზეთისა და სამხრეთ ოსეთის ე.წ. წარმომადგენლებმა კიდევ ერთხელ აღნიშნეს, საქართველოს საგარეო საქმეთა სამინისტროს მიერ გავრცელებული „ცრუ ინფორმაცია „ოკუპირებულ ტერიტორიებზე“ ადამიანის უფლებების დაცვასთან დაკავშირებით არსებულ სიტუაციაზე, ასევე ევროპის საბჭოს გენერალური მდივნის ღია და ტენდენციურ ანგარიშიც.“

„სამხრეთ ოსეთის დელეგაციამ ხაზგასმით აღნიშნა ქართული მედიის მიერ დამახინჯებული ფაქტები, რომლებიც რესპუბლიკის საზღვრის უკანონო გადაკვეთას ეხება და გაშუქებული იყო, როგორც „გატაცება გამოსასყიდის მიზნით.“ ეეს ინფორმაცია არ შეესაბამება სიმართლეს“- ნათქვამია რუსეთის საგარეო უწყების განცხადებაში

რუსეთის, დე ფაქტო აფხაზეთისა და დე ფაქტო სამხრეთ ოსეთის დელეგაციამ კიდევ ერთხელ დააფიქსირეს უკმაყოფილება, საქართველოში ნატო-ს სამხედრო წვრთნების გაგრძელებასთან დაკავშირებით.

შენევის ფორმატის შემდეგი შეხვედრა 2017 წლის მარტის ბოლოს არის დაგეგმილი.