Forbes-მა მსოფლიოს ყველაზე გავლენიან ადამიანად კვლავ პუტინი დაასახელა

მსოფლიო - 20:57, 14 Dec, 2016

4001

ჟურნალმა Forbes-მა მსოფლიოს ყველაზე გავლენიანი ადამიანების რეიტინგი გამოაქვეყნა. პირველი ადგილი რეიტინგში რუსეთის ფედერაციის პრეზიდენტმა ვლადიმირ პუტინმა დაიკავა.
“რუსეთის პრეზიდენტმა შეძლო თავისი გავლენა მსოფლიოს ყველა კუთხეში გაევრცელებინა, დაწყებული სამშობლოდან და დამთავრებული სირიითა და აშშ-ის საპრეზიდენტო არჩევნებით, პუტინი აგრძელებს მიიღოს ის, რაც მას სურს” - წერს "ფორბსი."
"ფორბსმა" რუსეთის პრეზიდენტი, ვლადიმერ პუტინი უკვე მეოთხედ მსოფლიოს ყველაზე გავლენიან ადამიანად აღიარა.
მეორე ადგილზე გავიდა აშშ-ის ახლადარჩეული პრეზიდენტი დონალდ ტრამპი, ხოლო მესამეზე გერმანიის კანცლერი ანგელა მერკელი. მეოთხე ადგილზეა ჩინეთის სახალხო რესპუბლიკის ლიდერი სი ძინპინი, რომის პაპი ფრანცისკე რეიტინგში მე-5 ადგილზეა, ხოლო აშშ-ს ფედერალური სარეზერვო სისტემის ხელმძღვანელი ჯანეტ იელენი მე-6 ადგილს იკავებს. “მაიკროსოფტის” დამფუძნებელი ამერიკელი ბიზნესმენი ბილ გეიტსი სიაში მე-7 ადგილზე მოხვდა. გუგლის დამფუძნებელი , ახლა კი გუგლის მშობელი კომპანიის Alphabet Inc.-ის გენერალური დირექტორი ლარი პეიჯი სიაში მერვეა. მე-9 ადგილზეა ინდოეთის პრემიერ-მინისტრი ნარენდა მოდი. ათეულს Facebook-ის შემქმნელი მარკ ცუკერბერგი ასრულებს.