ამის შესახებ ორგანიზაციის ერთ-ერთმა წევრმა ნიკა ჯანჯღავამ ,,ნიუპოსტთან" საუბრისას განცხდა.

,,საქართველოს უნივერსიტეტის თვითმართველობის წევრმა სტუდენტებმა გადავწყვიტეთ, განგვეხორციელებინა პროექტი სახელად ,,წამი ისტორიად ქცეული'', რომლის ბენეფიციარები არიან ლეიკემიით დაავადებული ბავშევბი და რომლებიც ადაპტაციას გადიან იაშვილის კლინიკაში. ჩვენი პროექტის მთავარი მიზანია,რომ ბავშვებს გამოვუცხადოთ სოლიდარობა და ვაგრძნობინოთ ჩვენი მხარდაჭერა.

1 ივნისს,ბავშვთა დაცვის საერთაშორისო დღეს, ვგეგმავთ, მოვაწყოთ ბავშვებისთვის გასართობი ღონისძიება, რომელშიც თვითონ ბავშვები მიიღებენ მონაწილეობას, ასევე საღამოს იგეგმება გრანდიოზული აქცია სახელწოდებით ,,ნათელი ღამე'', სადაც ჩვენ შემოგვიერთდებიან სხვა აქციონერებიც.. ჩვენ სახვა აქციონერებთან ერთად ანთებული სანთლებით სოლიდარობას გამოვუცხადებთ ამ ბავშვებს...

აქვე აღვნიშნავთ, რომ ჩვენს პროექტს გამოუჩნდა რამოდენიმე სპონსორი კომპანია და იმედი გვაქვს, რომ ტელევიზიებიც აქტიურად იქნებიან ჩართული".