ბარაკ ობამას საპრეზიდენტო ვადა ეწურება, თუმცა მის იდეებს ამოწურვის საფრთხე ნამდვილად არ ემუქრება .

აშშ-ის პრეზიდენტმა თეთრი სახლის ოვალურ ოფისში ცნობილ მსახიობს, ბილ მიურეის უმასპინძლა და გოლფი ითამაშა.

რეალურად, გოლფის თამაში ობამას ჯანდაცვის პროგრამის შემადგენელი ნაწილის, ობამაქეარის ანუ ხელმისაწვდომი დაზღვევის პროგრამის რეკლამა იყო.

თამაშისას, ბილ მიურეი აღნიშნავს, რომ მუხლი სტკივა, თუმცა დაზღვევის არ ქონის გამო ექიმთან ვერ მიდის, რაზეც ბარაკ ობამა პასუხობს, რომ მას შეუძლია თავს მიხედოს, რადგან შესაძლებლობა აქვს ჩაერთოს პროგრამაში და მიიღოს ხელმისაწვდომი დაზღვევა.

შეგახსენებთ, ობამას ჯანდაცვის პროგრამას არაერთგვაროვანი შეფასებები ჰქონდა. დონალდ ტრამპი წინასაარჩევნო პერიოდში ჯანდაცვის პროგრამის გაუქმებას აპირებდა, თუმცა გამარჯვების შემდეგ განაცხდა, რომ ობამას პროგრამა სულაც არ არის ისეთი ცუდი, როგორიც ჩანდა.