,,სამართალდამცავთა დაცვის ლიგა“ - შეხვედრა რეგიონებში და სამომავლო გეგმები

საზოგადოება - 15:54, 20 May, 2013

552

ოგრანიზაციის მიზნებსა და სამომავლო გეგმებზე ,,ნიუპოსტს" " სამართალდამცავთა დაცვის ლიგის" წარმომადგენელი გირგოლ კვინიტაძე ესაუბრა:

"ეს არის არასმეწარმეო იურიდიული პირი " სამართალდამცავთა დაცვის ლიგა", რომელიც ჩამოყალიბდა 2013 წლის 20 თებერვალს, დაფუძნებული იქნა ქალაქ თბილისში, ორგანიზაცია ამ ეტაპზე ახორციელებს გასვლებს რეგიონებში, რათა შევხვდეთ რეგიონალურ წარმომადგენლებს, რასაც სისტემატიური ხასიათი ექნება. ყალიბდება რეგიონალური ცენტრები საქართველოს ყველა რეგიონსა და ყველა რაიონში", - აცხადებს კვინიტაძე.
მისი თქმით, ორგანიზაციის საქმიანობის ძირითადი მიზანი სამართალდამცავ სისტემაში დასაქმებულთა კანონით გარანტირებული უფლებების დაცვაა, რისთვისაც უფასო კონსულტაციებსა და საადვოკატო მომსახურებასაც ეწევიან.

,,ძირითადი აქცენტი ორგანიზაციას გადატანილი აქვს სამართალდამცავ სისტემაში დასაქმებულთა კანონით გარანტირებული უფლებების დაცვაზე, ამ მიზნით ვეწევით როგორც უფასო საკონსულტაციო, ასევე საადვოკატო მომსახურეობებს.

სამსახურეობრივი მოვალეობის დროს დაღუპულ ან დაშავებულ სამართალდამცავთა ოჯახების მხარდაჭერის მიზნით ტარდება ღონისძიებები. გარდა ამისა არსებობს პროექტები, რომლებიც უნდა განხორციელდეს, უნდა შეიქმნას ყველა იმ პირის და თანამშრომლის, იქნება ეს მოქმედი, დათხოვნილი თუ პენსიონერი ოჯახის წევრებისთვის, შვილებისთვის თუ შვილიშვილებისთვის, იქნება საგანმანათლებლო ცენტრები, კონკრეტულად რომ გითხრათ, იქნება ეს მიმართული კონკრეტული პირთა წრის მიმართ, ისევ და ისევ ესენი არიან სამართალდამცავები, როგორც მოქმედი, ასევე დათხოვნილი და პენსიონერი თანამშრომლები", - განაცხადა გრიგოლ კვინიტაძემ.

რაც შეეხება ორგანიზაციის წევრებს, კვინიტაძის თქმით, ამ ეტაპზე თბილისის მასშტაბის, ორგანიზაციას ჰყავს 500 წევრზე მეტი და საბოლოო შემაჯამებელი შეხვედრა სავარაუდოდ გაიმართება ივნისის 10 რიცხვში. ,,აქ მოწვეული იქნებიან წევრები რეგიონებიდანაც და გაიმართება ორგანიზაციის დახურული სხდომა", - განაცხადა გრიგოლ კვინიტაძემ.