რუსეთის ავიაციამ პალმირაში ISIS-ის წინააღმდეგ 64 ავიადარტყმა განახორციელა, მოკლულია 300 ტერორისტი

მსოფლიო - 12:36, 11 Dec, 2016

3825

რამდენიმე დღეა გააფთრებული ბრძოლები მიმდინარეობს სირიის ქალაქ პალმირაში, რომელიც მსოფლიოს ისტორიული მომკვიდრეობის ერთერთი ძეგლია. რამდენიმე დღის წინ "ისლამური სახელმწიფოს" მებრძოლებმა ქალაქზე შეტევა განახორციელეს და მისი ჩრდილო-დასავლეტ რაიონები დაიკავეს. მათ ხელში აგრეთვე საბრძოლო მასალების საწყობებიც აღმოჩნდა.

რუსეთის თავდაცვის სამინისტროს განცხადებით, 11 დეკემბერს, ღამით, სირიის არმიამ, რუსული ავიაციის დახმარებით, "ისლამური სახელმწიფოს" 300-მდე მეგრძოლი გაანადგურა.

"გასული ღამის განმავლობაში "ისლამური სახელმწიფოს" ტერორისტებმა არაერთხელ სცადეს სირიის არმიის ქვედანაყოფებზე შეტევის განხორციელება. ცეცხლსასროლ იარაღისა და ნაღმტყორცნებთან ერთად, ასაფეთქებელი ნივთიერებებით დატვირთული ავტომობილების გამოყენებაც სცადეს. ბოევიკების პოზიციებზე 64 ავიადარტყმა განხორციელდა," - ნათქვამია სამინისტროს განცხადებაში.

სირიაში მიმდინარე მონიტორინგის ცენტრის წარმომადგენელთა განცხადებით, ამჟამად ბრძოლები პალმირას გარეუბნებში მიმდინარეობს, სადაც ბაღებია განთავსებული.

პალმირა ასადის ჯარებმა, რუსული ავიაციის დახმარებით, 2016 წლის მარტში გაათავისუფლა. მას შემდეგ "ისლამური სახელმწიფოს" ტერორისტებმა არაერთი შეტევა განახორციელეს ქალაქის დასაბრუნებლად.