სტამბოლში მომხდარი აფეთქების შედეგად საქართველოს მოქალაქეები არ დაშავებულან

მსოფლიო - 02:38, 11 Dec, 2016

25906

სტამბოლში მომხდარი აფეთქების შედეგად საქარველოს მოქალაქეები არ დაშავებულან - ინფორმაციას საქართველოს საგარეო საქმეთა სამინისტრო ავრცელებს. საგარო უწყების ცნობით, სტამბოლის ისტორიულ ცენტრში მომხდარ აფერთქებასთან დაკავშირებით, საქართველოს გენერალურ საკონსულოში მოქმედებს ცხელი ხაზი: (+90 541) 818 44 00. ასევე 24 საათიანი ცხელი ხაზი მოქმედებს საგარეო საქმეთა სამინისტროს საკონსულო დეპარტამენტში: (+995 32) 294 50 50. სტამბოლში საქართველოს გენერალური საკონსულო მუდმივ კავშირზეა თურქეთის საგანგებო სიტუაციებზე პირველადი რეაგირების ჯგუფთან. ,,თურქული მხარე ამ ეტაპზე დაშავებულთა შორის საქართველოს მოქალაქეების არსებობას არ ადასტურებს",-ნათქვამია საგარეო უწყების განცხადებაში.

სტამბოლში ,,ბეშიქთაშის“ სტადიონთან აფეთქებას 13 ადამიანი ემსხვერპლა. ბიბისის ცნობით, შემთხვევა საფეხბურთო მატჩის დასრულებიდან 2 საათში მოხდა. ერთმანეთ ადგილობრივი ,,ბეშიქთაში“ და ,,ბურსასპორტი“ ხვდებოდა. თურქეული მედიის ცნობით, დაშავებულია 40-მდე ადამიანი. გულშემატკივრები ამ დროსთვის სტადიონზე აღარ იმყოფებოდნენ.

აფეთქება სტამბოლში შაბათს, გვიან საღამოს მოხდა. თურქეთის შს მინისტრის თქმით, ტერაქტის ორგანიზატორთა მიზანი იყო, სპეცრაზმელებით სავსე ავტობუსი აეფეთქებინათ.