ნობელის პრემიების გადაცემის ცერემონია დღეს გაიმართება- ვინ არიან 2016 წლის ნობელიანტები (ფოტოკოლაჟი)

მსოფლიო - 19:44, 10 Dec, 2016

2934

დღეს ათ დეკემბერს სტოკჰოლმში და ოსლოში ნობელის პრემიების გადაცემის ცერემონიები გაიმართება. ნობელის პრემიის ლაურეატები სხვადასხვა, ფიზიკის, ქიმიის, მედიცინის და ლიტერატურის დარგში, წელს გახდა 11 პირი, მაგრამ ცერემონიას დაესწრება მხოლოდ ათი. ლიტერატურის დარგში ნობელის პრემიის წლევანდელი ლაურეატი, ბობ დილანი ვერ შეძლებს მასზე ჩასვლას. ცერემონია გაიმართება სტოკჰოლმის საკონცერტო დარბაზში. მშვიდობის დარგში ნობელის პრემიის გადაცემა შედგება ოსლოში.

ნობელის პრემიის ლაურეატი მედიცინაში და ფიზიოლოგიაში არის ტოკიოს ტექნოლოგიური უნივერსიტეტის პროფესორი იოსინორი ოსუმი - უჯრედის აუტოფაგიის მექანიზმის აღმოჩენის გამო.

ნობელის პრემიის ლაურეატები ფიზიკაში არიან ბრიტანელი მეცნიერები დევიდ ტაულესი, მაიკლ კოსტერლიცი და დანკან ჰელდანი. მეცნიერებმა დიდი წვლილი შეიტანეს მატერიის ტოპოლოგიური გადასვლებისა და ტოპოლოგიური ფაზების შესწავლაში.

ნობელის პრემიის ლაურეატები ქიმიაში არიან შოტლანდიელი, ფრანგი და ჰოლანდიელი მეცნიერები ჟან-პიერ სავაჟი, ჯეიმს ფრეზერ სტოდარტსი და ბერნარდ ფერინგი, ჯილდო მათ მოლეკულური მანქანის სინთეზისა და პროექტირებისთვის მიანიჭათ.

ნობელის პრემიის ლაურეატი მშვიდობის დარგში არის კოლუმბიის პრეზიდენტი ხუან მანუელ სანტოსი. ნობელის კომიტეტმა კოლუმბიის პრეზიდენტი იმ სამშვიდობო ხელშეკრულებისთვის დააჯილდოვა, რომელსაც სანტოსმა ოთხწლიანი მოლაპარაკებების შემდეგ, გასულ თვეს მიაღწია მემარცხენე ამბოხებულებთან. კონფლიქტი მთავრობასა და ამბოხებულებს შორის ბოლო 52 წელია მიმდინარეობს.

ნობელის პრემიის ლაურეატები ეკონომიკაში არიან ამერიკელი მეცნიერები ოლივერ ჰარტი ჰარვარდის უნივერსიტეტიდან და ბენგტ ჰოლმსტრემი მასაჩუსეტსის ტექნოლოგიური ინსტიტუტიდან. ჯილდო მეცნიერებს კონტრაქტის თეორიის განვითარებაში შეტანილი წვლილისთვის გადაეცემათ.

ნობელის პრემიის ლაურეატი ლიტერატურის დარგში არის ლეგენდარულმა მომღერალი და მწერალი ბობ დილანი. ნობელის კომიტეტის წევრების თქმით, "დილანმა ამერიკული სიმღერის ტრადიციებთან ერთად, პოეზიის ახალი სახე შექმნა".