2017 მამლის წელი - როგორ უნდა შეხვდეთ, რა ჩაიცვათ და რა მოამზადოთ

ეს საინტერესოა - 19:56, 31 Dec, 2016

52324

ახალი წელს ახალი მოლოდინები და იმედი მოაქვს, ამიტომ ადამიანები განსაკუთრებულად ემზადებიან ამ დღესასწაულის შესახვედრად.
რა უნდა გავაკეთოთ იმისთვის, რომ ჩვენს ოცნებებს და მოლოდინებს ახდენის მეტი შანსი მივცეთ. ამასთან დაკავშირებით ასტროლოგები რამდენიმე რჩევას იძლევიან.

მომავალი 2017 წლის სიმბოლო აღმოსავლური კალენდრის მიხედვით ცეცხლოვანი მამალია და მისი თვისებები, სიმპათიები და ანტიპათიები მნიშვნელოვანწილად განსაზღვრავენ იმ მოვლენების ხასიათს, რომელიც მომავალი 12 თვის განმავლობაში მოხდება. ამიტომ საუკეთესო სტრატეგია იქნება ის, რომ მამალს შესაბამისად დავხვდეთ, რათა ის კმაყოფილი იყოს და ჩვენ საქმიანობაში და წამოწყებებში ხელი შეგვიწყოს.

სად უნდა შეხვდეთ ახალ წელს?

ცეცხლოვანი მამალი უპირატესობას ოჯახურ ტრადიციებს ანიჭებს. ამიტომ ახალ 2017 წელს უმჯობესია სახლში, ოჯახურ წრეში და ახლობლებთან ერთად შეხვდეთ. შეგიძლიათ იხმაუროთ, ოღონდ ეს ღრეობაში არ უნდა გადავიდეს.

რა უნდა ჩაიცვათ?

ახალი წლის შესახვედრად საუკეთესო ფერთა გამა წითელი და ოქროსფერია. არ გაგიტაცოთ დეკოლტემ და გამჭვირვალე ქსოვილებმა - ასეთი იმიჯით ტყუილად ეცდებით მამლის ყურადღების მიქცევას. ქალების სამოსი უნდა შედგებოდეს მაღალქუსლიანი ფეხსაცმელისგან და კოქტეილის დახვეწილი კაბისგან, რომელიც იქნება წითელი, ყვითელი, ან პასტელურ ოქროსფერ ტონებში. აქსესუარებიდან უპირატესობა ოქროს და მარგალიტის სამკაულებს მიანიჭეთ. მამლის წელს მამაკაცებიც დახვეწილი სამოსით, პიჯაკით და კლასიკური შარვლით უნდა შეხვდნენ, საშინაო ან ყოველდღიური სამოსით ახალი წლის დახვედრა პედანტური მამლის თვალში ამორალურად გამოჩნდება.

როგორ უნდა მორთოთ სახლი?

სახლის მორთულობებიც მამლის წლის ფერებს უნდა შეეხამებოდეს. წითელს და ყვითელს შეგიძლიათ დაამატოთ მწვანე და ლურჯი მორთულობებიც. ინტერიერის მორთულობები ნატურალური მასალისგან უნდა იყოს დამზადებული. თუმცა მამალი არ გაგიბრაზდებათ თუ ბუნებრივი ნაძვის ნაცვლად ხელოვნურს დაახვედრებთ. რაც მეტი განათება და ბრწყინვალება იქნება სახლში, ამით მამალს მით მეტად ასიამოვნებთ. მორთულობებში ჩართეთ მწიფე წითელი ვაშლებიც, ნაძვისხეზე კი საახალწლო ვარსკვლავის ნაცვლად შეგიძლიათ მამლის ფიგურა დაამაგროთ.

რა კერძები უნდა დაახვედროთ მამალს და როგორ უნდა გაშალოთ სუფრა?

ლოგიკურია, რომ ახალი წლის სუფრაზე ფრინველის და კერძოდ ქათმის კერძების დანახვა, მამალს არ ესიამოვნება. უმჯობესია რომ ხორციანი კერძები ცხვრის, ძროხის ან ღორის ხორცისგან დაამზადოთ. მოერიდეთ კვერცხის შემცველი კერძების მომზადებასაც.

მაგიდაზე გადასაფარებელი სუფრა უმჯობესია თუ ნათელ ფერებში, ერთ ტონში იქნება, თუმცა ჭურჭელი შეგიძლიათ მკვეთრი ფერის გამოიყენოთ. მოერიდეთ სუფრაზე პლასტმასის და სინთეტიკის მასალით დამზადებული ჭურჭლის გამოყენებას.