"როდესაც ზურგით ვდგავარ, მაშინ ისმის გინება. ზუსტად მახსოვს, რაც ვთქვი - ცნობილი ქართული ფილმიდან ფრაზა გავიმეორე, გამოდით, რამდენი ხართ, უნდა დაგთვალოთ-მეთქი. ვიდეოკადრებში კი ისმის, თითქოს ვიგინები. ეს ჩემი ხმა არ არის. ბერად აღკვეცის შემდეგ ბილწსიტყვაობას ვებრძვი და ყველას ვაფრთხილებ, რომ ჩემი თანდასწრებით არ შეიგინონ.

30-30-ჯერ გაუშვეს "I არხმა" და "რუსთავი2"-მა ეს სიუჟეტი. რატომ არ დაადგინეს, ხმა ნამდვილად ჩემი იყო თუ არა? რატომ ბილწავენ საზოგადოებას?"-აცხადებსმამაანთიმოზი.

"კვირის პალიტრასთან" საუბრისას მამა ანთიმოზი ე.წ. "ტაბურეტკით" გადაადგილდებული მამაოს კადრსაც ეხმიანება.

"ამ სასულიერო პირს ოპერაცია ახალი გაკეთებული ჰქონდა, თავს სუსტად გრძნობდა და აქციაზე ტაბურეტით იმიტომ წამოვიდა, რომ დაღლილობისას ჩამომჯდარიყო. გეუბნებით იმას, რომ ჩვენ ვართ იმ ასი ათასი ქართველის გენის, რომელმაც მეტეხთან ღვთისმშობლის და მაცხოვრის ხატებს არ დაადგა ფეხი." – აცხადებს მამა ანთიმოზი.

შეგახსენებთ, 17 მაისს , სასულირო პირები ლგბტ აქციის წინააღმდეგ სკამებით და ჭინჭრებით შეიარაღებულები მივიდნენ.

გავრცელებულ კადრებში მამაოების გინება ისმის და ფიზიკური ძალადობის ფაქტები ჩანს.