ფეიკის ხელოვნება - როგორ აქციეს დონეცკის ქარხნის არტ-ცენტრი ISIS-ის ბაზად (ფოტო)

მსოფლიო - 18:44, 07 Dec, 2016

6233

აღმოსავლეთ უკრაინელმა პრორუსმა სეპარატისტებმა გაავრცელეს ვიდეო და ფოტო მასალა. სადაც ასახულია უკრაინის არმიის სპეცდანაყოფ "აზოვის" ბაზა, რომელზეც იმყოფებიან ISIS-ის მებრძოლები - "ისლამური სახელმწიფოსათვის დამახასიათბელი ტანსაცმლით და შეიარაღბით სეპარატისტების პოსტში აღნიშნულია, რომ "კიბერბერკუტის" ჰაკერებმა მოიპოვეს წვდომა "აზოვის" ერთერთი მებრძოლის სმარტფონზე და ეს მასალა იქიდან გადმოქაჩეს.

აქვე მოხსენიებული იყო სეპარატისტების ინფორმაცია, თითქოს მათ ქვედანაყოფეფბს ხშირად მოუსმენიათ რადიოეთერში არაბულ, თურქულ და ჩეჩნურ ენაზე საუბრები, აგრეთვე რუსული საუბარი არაბული აქცენტით. "ჩვენი აზრით, კომენტარები ზედმეტია, თავად დარწმუნდით, თუ ვინ იბრძვის ჩვენს წინააღმდეგ," - ნათქვამია სეპარატისტების მიერ გავრცელებულ მასალაში.

აღსანიშნავია, რომ ეს მასალა აიტაცეს რუსულ მედიაში, კერძოდ "Вести.Ru"-მ, "Ридус"-მა, "Ислам сегодня"-მ, ფეიკ-ვიდეო თავიანთ ახალი ამბების გამოშევბებში ჩართეს, ტელეარხებმა "Звезда"-მ და ТВЦ-მ ფეიკი თავის სატელევიზიო ეთერში აჩვენეს, ხოლო სააგენტო Sputnik-მა არაერთხელ გაუშვა ეს მასალა სხვადასხვა ენაზე.

BBC დაინტერესდა ამ მასალით და გამოარკვია, რომ ეს არის სრული სიყალბე. პირველ რიგში გეოგრაფიული ინტერნეტრესურს Wikimapia-ს მეშვეობით მან გამოთვალა, სად იყო ეს ვიდეო გადაღებული და დაადგინა, რომ იგი დონეცკში, სეპარატისტების მიერ კონტროლირებად ტერიტორიაზე არსებულ ერთ-ერთი ქარხნის "იზოლაციის" არტ-ცენტრშია გადაღებული. "იზოლაცია" საიზოლაციო მასალებს ამზადებდა. იგი საბჭოური დროიდან არსებობდა. BBC-ს თხოვნით, აქ მომუშავე ადამიანებმა შეისწავლეს ეს მასალა და დაადასტურეს, რომ ყალბი ვიდეო სწორედ ქარხნის საამქროებშია გადაღებული. ეს საამქროები უკრაინის კონფლიქტამდე, ანუ 2014 წლამდე, კომპანია "პრიმას" საკუთრება იყო. ვიდეოსა და სურათებზე ჩანს ინვენტარი, სკამები, პენოპლასტიკური ფილები და სხვა მასალა, რომელიც იქ დარჩა.

ექსპერტები, რომლებიც ასევე გაეცვნენ ამ ფაქტებს, თვლიან, რომ აქ აშკარად ატყვია რუსული სპეცსამსახურებისა და იდეოლოგიური პროპაგანდის ხელი, რისი არაერთი მაგალითიც გვინახავს რუსეთ-უკრაინის კრიზისის დროს.

გთავაზობთ BBC-ის მიერ გავრცელებულ ფოტომასალას, სადაც შედარებულია რეალური და ყალბი მასალები.