„იდენტობის“ წარმომადგენელი: „მასობრივი ტერორი დაიწყო!..“

საზოგადოება - 12:23, 20 May, 2013

737

ირაკლი ვაჭარაძე ასკვნის, რომ მასობრივი ტერორი დაიწყო და თვლის, რომ ასე გაგრძელდება მანამ, სანამ ერთ დამნაშავეს მაინც არ დააკავებენ:
ირაკლი ვაჭარაძე წერს:

"ირაკლი ღარიბაშვილი უნდა გამოვიდეს და მკაცრად თქვას, რომ სასტიკად დასჯიან ყველას, ვინც ლგბტ ადამიანებზე ნადირობს. სასწრაფოდ უნდა დააკავოთ იდენტიფიცირებული დამნაშავეეები. დაუსჯელობით გათამამებულები ყველას ატერორებენ.
ორშაბათის დილაა, ჯერ 5 ადამიანი ვნახე მხოლოდ და ყველას რაღაც კოშმარი აქვს მოსაყოლი.
აი რა ხდებოდა პარასკევის შემდეგ:
1. ა.-ს შხარასთან საღამოს 17-ში დახვდნენ ბიჭები, თავი მოაჩვენა რომ იყო უცხოელი. არ უშველა. ადგილზე სცემეს ჯგუფურად. ამის შემდეგ 18-ში ბუკიას ბაღში დაუხვდნენ, თმებზე ცეცხლი წაუკიდეს ჰომოფობიური შეურაცხყოფების ფონზე.
2. "იდენტობის" თანამშრომელ ქალს "მაკდონალდსთან" ეჯახებოდა ჯიპი, მერე გადმოუხტნენ და ცემასაც უპირებდნენ.
3. დ.-ს და თ.-ს (გოგოებს) ქაშვეთის წინ წინ 3 საათზე გაეკიდა ბრბო, 17ში. დაიჭირეს. ფეხებს შუა და ზურგზე ურტყავდნენ წიხლებს კაცები.
4. ბ.ს- პოპულში შეასწრო "იდენტობის" ორმა წევრმა. მხოლოდ ომბუდსმენის და ელჩების მისვლის შემდეგ შეძლო პოლიციამ გამოყვანა. წვერი გაპარსეს, პოპულის თანამშრომლის ფორმით გამოაპარეს.
5. 18-ში 6 საათისთვის ნ.-ს (ქალი) მგზავრობდა სამარშუტო ტაქსით, მარჯანიშვილის მეტროსთან ჩამოიყვანეს, ქურდულად გაურჩიეს საქმე, ხელი მოუქნიეს დასარტყმელად ორჯერ. პატრულს დაუძახა, მაგრამ ეს ჯგუფი გაუშვა პატრულმა, ვერ ვიცნობთო. 17-შიც დაახლოებით იგივე მოუვიდა, დაახლოებით 3 საათისთვის.
6. ზოგადად, თანამშრომლებს უჯანყდებიან მეზობლები, ოჯახებში მიდიან და მორალს უკითხავენ. იქცევიან აგრესიულად.