30 წლის ამერიკელმა მომღერალმა ლედი გაგამ განაცხადა, რომ დღემდე აწუხებს ფსიქოლოგიური სინდრომი, რომელიც მას გაუპატიურების შემდეგ დაემართა.

აღნიშნული განცხადება მომღერალმა ნიუ-იორკის სარეაბილიტაციო ცენტრში ვიზიტის დროს გააკეთა.

ლედი გაგა აცხადებს, რომ მომხდარში დღემდე საკუთარ თავს ადანაშაულებს და განცდილი ტკივილისა და სირცხვლის გამო 9 წელი დუმდა ამ ფაქტის შესახებ.

შეგახსენებთ, რომ ორი წლის წინ ლედი გაგამ საჯაროდ განაცხადა, რომ 19 წლის ასაკში იგი მისმა პროდიუსერმა გააუპატიურა, რომელიც მასზე 20 წლით უფროსი იყო. მის ფსიქოლოგიურ რეაბილიტაციაზე წლები დაიხარჯა. სტრესისა და ალკოჰოლიზმისგან თავის დაღწევაში მას მუსიკა და მეგობარი ტონი ბენეტი დაეხმარა.