დიდი ბრიტანეთის უზენაესმა სასამართლომ BREXIT-ის სააპელაციო სარჩელის განხილვა დაიწყო

მსოფლიო - 19:36, 05 Dec, 2016

2088

5 დეკემბერს, დიდი ბრიტანეთის უზენაესმა სასამართლომ დაიწყო ქვეყნის მთავრობის სარჩელის განხილვა, რომლის მიზანია დიდი ბრიტანეთის უმაღლესი სასამართლოს გადაწყვეტილების გაუქმება, რომელიც BREXIT-ს შეეხება.

ნოემბერში დიდი ბრიტანეთის უმაღლესმა სასამართლომ განიხილა და დააკმაყოფილა ფინანსისტი ჯინა მილერისა და პარიკმახერ დეირ დუშ სანტუშის მიერ შეტანილი სარჩელი, რომლებსაც მიაჩნდათ, რომ ქვეყნის ევროკავშირიდან გამოსვლის საკითხზე საბოლოო გადაწყვეტილება დიდი ბრიტანეთის პარლამენტმა უნდა მიიღოს.

დიდი ბრიტანეთის მთავრობა მიიჩნევს, რომ ეს არ იყო სამართლიანი გადაწყვეტლება და იგი უზენაეს სასამართლოში გაასაჩივრა. მან ეს პროცესი 4 დღის განმავლობაში უნდა დაასრულოს, ხოლო საბოლოო გადაწყვეტილება იანვარში უნდა გამოაცხადოს.

როგორც ცნობილია, ბრიტანეთის პარლამენტართა უმრავლესობა ქვეყნის ევროკავშირიდან გასვლის წინააღმდეგი იყო, თუმცა, დეპუტატები აცხადებენ, რომ ისინი ვერ წავლენ ხალხის ნების საწინააღმდეგოდ. მთავრობასაც მზად აქვს 16 სიტყყვიანი კანონპროექტი, რომელიც რეფერენდუმის შედეგებს დააკანონებს, მაგრამ საკითხის პარლამენტში გატანა გასვლის პროცედურების დაწყების ვადას გადასწევს - პრემიერ ტერეზა მეის მიაჩნია, რომ ეს პროცესი არაუგვიანეს 2017 წლის მარტისა უნდა დაიწყოს. თანაც, ლეიბორისტების ნაწილს სურს კანონში დამატებითი პუნქტები შეიტანონ, სადაც აღნიშნული იქნება, რომ ბრიტანეთშ შეეძლება ევროპის ერთიანი ბაზრის წევრად დარჩენა.

პროცესზე დიდი ბრიტანეთის მთავრობის გარდა, მოწვეულნი არიან უელსის, შოტლანდიისა და ჩრდ. ირლანდიის მთავრობებიც, უელსის და შოტლანდიის მთავრობები, როგორც ცნობილია გასვლას ეწინააღმდეგებიან, ხოლო ჩრდილოეთ ირლადიას 2 წარმომადგენელი ჰყავს - ერთი მათგანი მხარს უჭერს "BREXIt"-ს, ხოლო მეორე წინააღმდეგია.

მილერისა და სანტუშის პოზიციები გამყარებულია იმ დასკვნით, რომ რადგან ევროკავშრში გაწევრიანებას თაბის დროზე პარლამენტმა დაუჭირა მხარი, მანვე უნდა დააკანონოს კავშირიდან გასვლის საკითხიც.

მეის ადვოკატები კი იცავენ იმ პოზიციას, რომ რადგან საქმე ეხება საერთაშორისო ხელშეკრულებას, საქმე ე.წ. "სამეფო პრეროგატივებს" ეხება და გადაწყვეტილება მტავრობამ უნდა მიიღოს, რასაც დედეოფალი თავისი ხელმოწერით განამტკიცებს.

განსახილველი საქმის სერიოზულობის დონეზე ისიც მეტყველებს, რომ პროცესს მოსამართლეთა უპრეცედენტო რაოდენობა - 11 ადამიანი წარუძღვება. პროცესის ტრანსლირება BBC-ზე პირდაპირ ეთერში მიმდინარეობს.