რუსეთის თავდაცვის სამინისტრომ ოფიციალური განცხადება გააკეთა 3 დეკემბერს ხმელთაშუა ზღვაში რუსეთის არმიის გამანადგურებელ Су-33-ის კატასტროფის შესახებ.

"სირიის საჰაერო ტერიტორიაზე საბრძოლო დავალების შესრულების შემდეგ, ავიამზიდ-კრეისერ "Адмирал Кузнецов"-ზე დაჯდომისას კატასტროფა განიცადა გამანადგურებელმა Су-33. დასაჯდომი ბაგირის გაწყვეტის გამო იგი გემბანის გარეთ გავიდა და ზღვაში ჩავარდა. მფრინავის ჯანმრთელობას, რომელმაც კატაპულტირება მოასწრო, არაფერი ემუქრება," - ნათქვამია სამინისტროს გვერდზე გავრცელებულ განცხადებაში.

შეგახსენებთ, რომ ერთ თვეზე ნაკლები დროის მანძილზე ეს უკვე მეორე რუსული თვითმფრინავია, რომელიც "Адмирал Кузнецов"-ზე დაჯდომისას კატასტროფას განიცდის - 14 ნოემბერს ზღვში МиГ-29 ჩავარდა.