ავსტრიაში გამართულ განმეორებით საპრეზიდენტო არჩევნებში "მწვანეების" ყოფილმა ლიდერმა ალექსანდრე ვან დერ ბელენმა გაიმარჯვა. მან ხმათა 53,6 პროცენტი მიიღო, ხოლო ულტრამემარჯვენე თავისუფლების პარტიის ლიდერმა ნორბერტ ჰოფერმა 46,4.

აღსანიშნავია, რომ ბელენმა ამჯერად უფრო მეტი ხმა მოაგროვა, ვიდრე მაისში გამართულ არჩევნებში. მაშინ კანდიდატებს შორის სხვაობა სულ 31000 ხმა იყო, ანუ 1%-ზე ნაკლები. ამ არჩევნების შედეგები, ჰოფერის საჩივრის საფუძველზე, საკონსტიტუციო სასამართლომ გააუქმა.

ამჯერად, ულტრამემარჯვენე კანდიდატმა საპრეზიდენტო არჩევნებში დამარცხება აღიარა და მოწინააღმდეგეს გამარჯვება მიულოცა.