უკრაინის სამხედრო-საზღვაო ფლოტის წვრთნებმა, რომელიც შავიზღვისპირეთის დასავლეთ ნაწილში მიმდინარეობდა, რუსეთსა და უკრაინას შორის სამხედრო-პოლიტიკური კრიზისი შექმნა. ორ ქვეყანას შორის ამ მასშტაბის კრიზისი ბოლოს 2014 წელს, ყირიმის ანექსიის დროს იყო. საქმე მძიმე შეიარაღების გამოყენების ზღვრამდე მივიდა. აღსანიშნავია, რომ ორივე ქვეყნის ოფიციალური პირები შესაძლო საფრთხეების კონკრეტიზაციას არ ახდენდნენ.

1-2 დეკემბერს უკრანამ გამოსცადა საზენიტო რაკეტა С-300. ეს გამოცდა ყირიმის სანაპიროებთან ახლოს მოხდა. აღნიშნულ ფაქტს ნეგატიური გამოხმაურება მოჰყვა მოსკოვში, რადგან მათი განცხადებით, რაკეტების გაშვება მის სანაპიროსთან სახიფათო სიახლოვეს განხორციელდა. საპასუხოდ უკრაინამ განაცხადა, რომ ყირიმი უკრაინის შემადგენლობაში შედის და სწავლებები ქვეყნის აკვატორიაში მიმდინარეობს.

რუსეთმა, საპასუხოდ, ყირიმში ПВО С-300 განალაგა და სწავლების რეგიონის მიმართულებით საკუთარი სამხედრო ფლოტი გააგზავნა.

დაძაბულობის ესკალაციამ პიკს მიაღწია, თუმცა, საბოლოოდ უკრაინამ საზენიტო კომპლექსის გამოცდის რადიუსი შეამცირა და ზონა ყირიმის სანაპიროდან მოშორებით გადაიტანა, რამაც სიტუაცია განმუხტა.

როგორც რუსი სამხედრო ექსპერტები ვარაუდობენ, კრიზისის ყველაზე დაძაბულ პერიოდში რუსეთის მხრიდან გადაწყვეტილებებს პირადად ვლადიმერ პუტინი იღებდა.