ასე შეაფასა დედა სიდონიამ 17 მაისს თბილისში ჰომოფობიასთან ბრძოლის დღეს დაგეგმილი აქციის მოწინააღმდეგეთა ქმედებები. 
ამის შესახებ დედა სიდონიამ ნეწსცაფე.გე-სთან მიცემულ ინტერვიუში ისაუბრა.

დედა სიდონია გაუმართლებლად მიიჩნევს აქციის დარბევას და ფიზიკურ ანგარიშსწორებას:

"დღეს მთელი დღე ამ მოვლენებს თვალს ვადევნებ და რისი აღნიშვნის სურვილიც გამიჩნდა პირადად არის ის, რომ თვითონ სოციუმშია პრობლემა, საზოგადოებაში რომ არის რადიკალიზმი, აქ საპატრიარქო რა განცხადებას გააკეთებს და საზოგადოება, მასები ამას როგორ აღიქვავს, თუნდაც ერთი მხარე და თუნდაც მეორე მხარე და ამისი როგორი ინტერპრეტაცია ხდება, აი აქ არის პრობლემა. თვითონ განცხადებაში მე პრობლემას ვერ ვხედავ. იმიტომ რომ საპატრიარქოს აქვს უფლება გააკეთოს განცხადება. ვფიქრობ რომ იგივე რაოდენობის ხალხი გამოვიდოდა, თუნდაც საპატრიარქოს განცხადება არ გაეკეთებინა და შეიძლება უფრო ცუდი ფორმებითაც ყოფილიყო, იმიტომ რომ მე რასაც თვალს ვადევნებ, სიწმინდეების, პატრიარქის და უფლის დაცვა გინებით ყოვლად გაუმართლებელია და ამ ადამიანებზე ვერ ვიტყოდი რომ ისინი სიწმინდეებს იცავენ , ეს არის ისევ და ისევ ცოტა დაუხვეწავი ქართული მენტალობა, რომელიც ჩემთვის ძალიან საწყენია.

ვთვლი რომ აქცია არ უნდა დარბეულიყო, რა თქმა უნდა, მათ აქვთ თავისი აზრის დაფიქსირების უფლება ასევე ეთიკის და საზღვრების ფარგლებში და ასევე საზოგადოებას, რომელიც უმრავლესობაა და რომლისთვისაც აბსოლუტურად მიუღებელია და არ არის ქართულ მენტალობასთან და აღქმასთან ეს ახლოს და ძალიან ბუნებრივი რეაქციაა საზოგადოების მხრიდან მიუღებლობა, მაგრამ აქ ისევ და ისევ ფორმასთან და ეტიკეტთან გვაქვს საქმე, რომ არანაირი უფლება არა აქვთ ფიზიკური შეურაცხყოფა მიაყენონ, დაამცირონ...რაღაც ბარბაროსობასთან გვაქვს საქმე." - განაცხადა დედა სიდონიამ.