აქციის დაწყებიდნ დაახლოებით ნახევარ საათში უკვე მოხდა რამდენიმე დაპირისპირება, თუმცა, ის სიტყვიერი შელეპარაკების ფარგლებს არ გასცდენია.

კანცელარიის შესასვლელთან მდგარი დაახლოებით 30 ადამინი გარყვნილების პროპაგანდას აპროტესტებს, მათთან დაახლოებით 30 მეტრში კი 500 ადამიანი 17 მაისს მომხდარი ძალადობას.

კანცელარიასთან მობილიზებულია პოლიციელთა დიდი კონტინგენტი. ძალოვანები დგანან, როგორც კანცელარიის ეზოში, ასევე ინგოროყვას ქუჩის ჩაყოლებაზე.

კორდონით აქციას და კონტრაქციას კანცელარიის კიბეებთან მდგარი ასამდე პოლიციელი ერთმანეთისგან ჰყოფს, თუმცა აქციის მონაწილეები ერთმანეთის საპირისპირო აზრების გამოთქმას კორდონის გავლით მაინც ახერხებენ.

კონტრაქციის წარმომადგენლები აცხადებენ, რომ გუშინ მომხდარი ფაქტი იყო არა ძალადობა, არამედ ეროვნული ღირებულებების დაცვა და ერის ნების გამოხატვა. მათივე თქმით, ლგბტ საზოგადოებას არ აქვს უფლება ქუჩაში მოახდინოს განსხვავებული ორიენტაციის დემონსტრირება, თუმცა ამავე დროს, აცხადებენ, რომ მათ შეუძლიათ შეიკრიბნონ თავიანთ კლუბებში და კონფერენციებზე.

კითხვაზე, ეწინააღმდეგებებიან თუ არა კონსტიტუციით დმხარდაჭერილ გამოხატვის თავისუფლებას დაა აღიარებენ თუ არა, რომ ლგბტ პირები არ მიიჩნევიან ამ კონკრეტულ შემთხვევაში დამნაშავეებად, კონტრაქციის მონაწილეები პასუხობენ, რომ ისინი კონსტიტუციის ამ ნაწილსაც აპროტესტებენ და ერის ნება ყველანაირ დაწერილ კანონზე მაღლა დგას.