საქართველოს შინაგან საქმეთა სამინისტრო-ს საზოგადოებასთან ურთიერთობის სამსახურის ხელმძღვანელის ნინო გიორგობიანის განცხადებით, გუშინდელ აქციასთან დაკავშირებით სამინისტრომ მყისიერი რეაგირება მოახდინა.

გიორგობიანის თქმით, კონკრეტული პირების მიმართ დაწყებულია რამდენიმე სისხლის სამართლის საქმე და რამდენიმე ადმინისტრაციული სამართალწარმოება.

გუშინ, 17 მაისს ჰომოფობიის წინააღმდეგ აქციის გამართვის საშუალება ლგბტ თემის მხარდამჭერებს სასულიერო პირებმა და მრევლმა არ მისცა, თბილისის ცენტრში, რამდენიმე ადგილზე ლგბტ საზოგადოების მხარდასაჭერი აქციის მონაწილეებსა და მათ მოწინააღმდეგეებს შორის ფიზიკური დაპირისპირება მოხდა.