ილინოისის ტექნოლოგიური ინსტიტუტი, ჩიკაგო–კენტის სამართლის სკოლის სახით 2012 წელს შემოვიდა საქართველოში და მენეჯმენტ კომპანია KMG  Georgia (Knowledge Management Group)-თანერთად დააარსა ამერიკული სამართლის სკოლა და სტიპენდიები კავკასიის რეგიონის ქვეყნებისთვის.

სამართლის სკოლა პრაქტიკოს იურისტებსა და სამართლის ბაკალავრიატის დამამთავრებელი კურსის სტუდენტებს სთავაზობს ორ ურთიერთდაკავშირებულ პროგრამას: წინასამაგისტრო/Pre-LL.M სასწავლო პროგრამას და სამაგისტრო/LL.M პროგრამას ჩიკაგოში, ილინოისის შტატი, აშშ.

ილინოისის ტექნოლოგიური უნივერსიტეტის ჩიკაგო–კენტის სამართლის სკოლამ ამერიკული სამართლის სკოლის ფარგლებში პირველი სასწავლო წელი 2012-2013 წელს განახორციელა.

პირველ აკადემიურ წელს სკოლის წინასამაგისტრო /Pre-LL.M პროგრამის მონაწილედ შერჩეულ იქნა 13 სტუდენტი (ათი საქართველოდან, ორი სომხეთიდან, ერთი აზერბაიჯანიდან). წინასამაგისტრო პროგრამის ათმა კურსდამთავრებულმა უკვე მოიპოვა ჩიკაგო–კენტის სამართლის სკოლის თანხმობა (admission)სწავლების გასაგრძელებლად სამართლის მაგისტრის (LL.M) ხარისხის მოსაპოვებლად საერთაშორისო და შედარებითი სამართლის სფეროში. ათი სტუდენტიდან სამი მიიღებს ჩიკაგო–კენტის სამართლის სკოლაში სწავლების სრულ დაფინანსებას, ხოლო შვიდი მათგანი მიიღებს ნაწილობრივ (70 პროცენტიან) დაფინანსებას.

ამერიკული სამართლის სკოლის მენეჯმენტს ახორციელებს ქართული კომპანია  KMG Georgia (Knowledge Management Group) რომელიც წარმოადგენს ილინოისის ტექნოლოგიური უნივერსიტეტის ჩიკაგო–კენტის სამართლის სკოლის ერთადერთ და ექსკლუზიურ პარტნიორს კავკასიის რეგიონში. KMG Georgia დამისი პარტნიორის, ილინოისის ტექნოლოგიური ინსტიტუტის /(IIT) ჩიკაგო–კენტის სამართლის სკოლის საქართველოსა და კავკასიაში ამერიკული სამართლის სკოლის (სალ – SAL/School of American Law) მიზანია ხელი შეუწყოს განვითარებადი ბაზრის ქვეყნებში ამერიკული ბიზნეს სამართლის, სწავლების ამერიკული სტანდარტისა და მეთოდოლოგიის, ამერიკული სამაგისტრო სწავლებისა და უმაღლესის შემდგომი განათლების თანაბრად ხელმისაწვდომობის იდეის დამკვიდრებას.