რუსეთში დასავლეთთან დაახლოების მომხრეთა რიცხვი მკვეთრად გაიზარდა- ლევადა ცენტრის გამოკითხვა

მსოფლიო - 19:26, 29 Nov, 2016

4361

„ლევადა-ცენტრის“ გამოკითხვის თანახმად რუსების უმრავლესობა დასავლეთთან დაახლოების მომხრეა. სოციოლოგიური გამოკითხვის თანახმად დასავლეთის ქვეყნებთან ეკონომიკური, პოლიტიკური და კულტურული კავშირების გაფართოების მომხრე გამოკითხულთა 71%-ია. ეს მაჩვენებელი 2015 წლის ივლისთან შედარებით საგრძნობლად გაზრდილია, ერთი წლის წინ ის 50% შეადგენდა.

ამასთანავე 37% -დან (ივლისი. 2015 წელი) 17%-მდე (ნოემბერი 2016 წელი) შემცირდა მათი რიცხვი ვინც მიიჩნევს, რომ აუცილებელია დასავლეთთან ურთიერთობის შეზღუდვა.

რესპონდენტების 70% მიაჩნია, რომ რუსეთი საერთაშორისო პრობლემების გადაწყვეტაში მნიშვნელოვან როლს თამაშობს, 13% თვლის რომ მოსკოვის როლი გადამწყვეტია, 27% -ს აზრით რუსეთის აზრი გადამწყვეტი არაა.

კვლევის მონაწილეთა 52% დარწმუნებულია, რომ NATO-ს წევრ ქვეყნებს მიზეზი არ აქვთ, რომ რუსეთის ეშინოდეთ. 37%-ის აზრით კი ამის მიზეზი არსებობს.

57%-ს მიაჩნია რომ რუსეთს აქვს მიზეზი, რომ NATO-სი ეშინოდეს. საწინააღმდეგო აზრზეა 31%.

გამოკითხულთა 44%-სთვის მნიშვნელოვანია დასავლეთის აზრი რუსეთზე, 51%-სთვის კი სულ ერთია რას ფიქრობენ დასავლეთის ქვეყნები რუსეთზე..

გამოკითხვა 18-21 ნოემბერს ჩატარდა და 1600 ადამიანი გამოიკითხა .