"ნემცოვისგან ხეირი აღარ იყო და თავისიანებმა მოკლეს"- კადიროვი

მსოფლიო - 14:20, 28 Nov, 2016

4845

ჩეჩნეთის ლიდერის რამზან კადიროვის განცხადებით ოპოზიციონერები „ყბედები“ და „უსინდისო ადამიანები“ არიან და მათ ხალხის ნდობა არ აქვთ, რადგან „სახელმწიფო ინტერესებს 30 ვერცხლად ყიდიან“ . კადიროვის თქმით, ხალხი ვლადიმერ პუტინს ენდობა და აზრი აღარ აქვს ისეთი ოპოზიციური ჯგუფების ქმედებებს, როგორიცა Pussy Riot. „ჩემთვის ყველა ეს Pussy- რუსეთის მტერია. შევიდნენ ეკლესიაში, მოაწყვეს ცეკვები და უხამსი სიმღერები... ისინი რომ მეჩეთში შესულიყვნენ, ორმაგი დანაშაული მოხდებოდა , მათ ადგილზევე ნაფლეთებად აქცევდნენ. ვიღაცამ ხომ მოაწყო ეს პროვოკაცია. რა მიზანი ჰქონდათ? ჩვენ ყველა ვხვდებით, მაგრამ ვდუმვართ. ახლა ფულს აღარ აძლევენ და მიჩუმდნენ.“- განაცხადა კადიროვმა.

ჟურნალისტის რეპლიკაზე, რომ ზოგიერთი ოპოზიცონერი, მაგალითად ბორის ნემცოვი სამუდამოდ გაჩუმდა, კადიროვმა განაცხადა, რომ მას ნემცოვის სიკვდილთან არაფერი აკავშირებს:

„მე მასთან არაფერი მაკავშირებდა, ის არასოდეს ყოფილა ჩემი პირადი მტერი ან მეგობარი. ჩვენი გზები არ გადაკვეთილა. ის თავად იქცა რუსეთის მტრად- ჩემი ქვეყნის. მაგრამ დღევანდელ რუსეთს კიდევაც სჭირდებოდა ასეთი მტერი, მას არავინ ემხრობოდა, მას ყბედობის გარდა არაფერი არ ქონდა დარჩენილი. მიხვდნენ რა, რომ ნემცოვისგან ხეირი აღარ იყო, მისმა მეგობრებმა ერთი გასროლით ორი მიზნის მიღწევა გადაწყვიტეს: მოკლავდნენ ნემცოვს და მოიშორებდნენ კადიროვს. მაგრამ ჩემთან მათ არაფერი გამოუვიდათ. მე აბსოლუტურად მშვიდად ვარ, ტყუილზე და პროვოკაციაზე არ ვრეაგირებ.“- განაცხადა კადიროვმა.