ირაკლი ეზუგბაიას მიმართ სისხლის სამართლებრივი დევნა დაიწყო

სამართალი - 18:27, 17 May, 2013

900

ფინანსთა სამინისტროს საგამოძიებო სამსახურის თანამშრომლებმა სახელმწიფო ხარჯების დიდი რაოდენობით სგაფლანგვა-მითვისების ბრალდებით რამდენიმე პირი დააკავეს.

"საქართველოს ფინანსთა სამინისტროს საგამოძიებო სამსახურის თანამშრომლებმა განსაკუთრებით დიდი ოდენობით სახელმწიფო თანხების მითვისება-გაფლანგვის ბრალდებით დააკავეს შპს "საქართველოს რკინიგზის" სატვირთო გადაზიდვების ყოფილი დირექტორი და შპს "ვაგონმშენებელი" კომპანიის სამეთვალყურეო საბჭოს ყოფილი წევრი დავით ჭინჭოლია, სატვირთო გადაზიდვების დირექატორის მადგილე აბელ გიორგობიანი, გადაზიდვების მოძრავი შემადგენლობის დეპარტამენტის უფროსის მოადგილე გიორგი ჟღენტი, შპს "ვაგონმშებელი" კომპანიის დამფუძვნებელი ბადრი წილოსანი, გენერალური დირექტორი ირაკლი თოდუა, დირექტორები მამუკა დოლიოძე და ვლადიმერ აბულაძე. ასევე სისხლის სამართლებრივი დევნა დაიწყო საქართველოს რკინიგზის ყოფილი გენერალური დირექტორის ირაკლი ეზუგბაიას მიმართ, რომელიც ამჟამად იმყოფება მიმალვაში.

გამოძიებით დადგინდა, რომ საქართველოს რკინიგზასა და ვაგონმშენებელ საწარმოს შორის ვაგონების გარემონტების მიზნით 2008 წლიდან გაფორმდა ხუთი ხელსშკრულება, რომლებშიც საქართველოს რკინიგზა ერთი სატვირთო ვაგონის შეკეთებისთვის ხელოვნურად გაზრდილი თანხა 39 ათასი ამერიკული დოლარი დააფიქსირა, თუმცა რეალურად ერთი ვაგონის შეკეთების საბაზრო ღირებულება 32 ათასი ლარი იყო. ამ ქმედებით დაკავებულებმა საქართველოს რკინიგზას მიაყენეს 65 მილიონი ლარის ზიანი. გამოძიება გრძელდება. საქართველოს სისხლის სამართლის კოდექსის 182 მუხლის მესამე ნაწილით, რაც თავისუფლების აღკვეთას ითვალისწინებს 7-12 წლამდე.