ლევან ვასაძე: ,,თბილისი არ არის ამსტერდამის წითელი შუქების კვარტალი“

საზოგადოება - 16:18, 17 May, 2013

1078

ვასაძე დღეს თავისუფლების მოედანზე ლგბტ აქტივისტების წინააღმდეგ სასულიერო პირების ინიციატივით გამართულ აქციას შეუერთდა.

როგორც მან ჟურნალისტებთან საუბრისას აღნიშნა, დასავლეთიდან უნდა გადმოვიღოთ ის, რაც არის კარგი, ხოლო მამათმავლობა არის უმძიმესი ცოდვა.
,,დასავლეთიდან ჩვენ უნდა გადმოვიღოთ ის, რაც არის ჯანმრთელი და მისაღები. მამათმავლობა არის უმძმესი ცოდვა, რომელიც რყვნის და ანგრევს ოჯახს. მე თავად გახლავართ აპოლოგეთი ყველაფერი კარგისა, რაც არის დასავლეთში, მაგრამ სექსუალური პერვესიები, გარყვნილება არის შეურაცმყოფელი.
ისეთი წმინდა ქალაქისთვის, როგორიც თბილიისა, ლგბტ აქციის დემონსტრირება შეურაცხმყოფელია.

"ჩვენ ვართ ქალაქის მკვიდრნი, სადაც 100 000-მა მოწამემ თავი გაწირა სარწმუნოების დაცვისთვის და ამ წმინდა ქალაქში გარყნილების აღლუმი არის პირდაპირი შეურაცხყოფა ჩვენი ეროვნების, ჩვენი ტრადიციების და ჩვენი გრძნობების. ერმა გამოხატა თავისი ნება, სამართალდამცავებმა რაც შეეძლოთ გააკეთეს წესრიგის დასაცავად. მადლობა ღმერთს, რომ მსხვერპლი არ ყოფილა და ყველამ დაინახა, რომ თბილისი არ არის ამსტერდამის წითელი შუქების კვარტალი", - განაცხადა ლევან ვასაძემ.