ამის შესახებ ჟურნალისტებთან საუბარში ირაკლი ვაჭარაძემ განაცხადა. მისი თქმით, იმედოვნებს, რომ აქციის მონაწილეებს პოლიცია პუშკინის სკვერში დაიცავს.

ამავდროულად, პარლამენტის მიმდებარე ტერიტორიიდან ანტიაქციის წევრებმა თავისუფლების მოედნისკენ გადაინაცვლეს.

მათ ჭინჭრის კონებთან ერთად კვერცხებიც აქვთ მიტანილი. რუსთაველის გამზირზე იმყოფებიან ცნობილი სახეები. ერთ-ერთი მათგანი, გივი სიხარულიძე აცხადებს, რომ უმჯობესია, "ამერიკელებისგან შრომისმოყვარეობა გადმოვიღოთ და არა პედერასტობა".

აქციასთან დაკავშირებით კომენტარი გააკეთა პარლამენტის წევრმა ზვიად ძიძიგურმაც:

"პირადი ცხოვრების უფლება ყველას აქვს, მაგრამ ახლა ამის დემონსტრირება... მე შვილები მყავს და უმრავლესობის უფლებები სერიოზულად ილახება, როდესაც გამოდიან და დემონსტრირებას მიკეთებენ, რომ აი მე ერთსქესიანი ვარ და მაგარი ტიპი ვარ. ეს ჩემთვის არის მიუღებელი, როგორც კონსერვატორისთვის."