მომხიბვლელი ცისფერთვალება "ურჩხული" იუბილარია - ვენსან კასელი 51 წლის გახდა (ფოტოკოლაჟი)

ეს საინტერესოა - 16:58, 23 Nov, 2017

15125

ყველაზე მომხიბვლელი ცისფერთვალება ურჩხული დღეს იუბილარია. 23 ნოემბერს ფრანგი მსახიობი ვენსან კასელი 51 წლის გახდა. მისი კარიერია კი უკვე 3 ათეულ წელს და 50-ზე მეტ ფილმს ითვლის . საყოველთაო შეფასებით კასელი უდაოდ მნიშვნელოვან ადგილს იკავებს, ფრანგ და მსოფლიო მსახიობებს შორის.

კასელი მსახიობ ჟან-პიერ კასელის შვილია და სწორედ მამის საგრიმიოროში აღმოაჩინა მან პირველად კინო. 16 წლის ასაკში ის შეურთდა საცირკო სკოლას ბრიუსელში, ნიუ-იორკის სამსახიობო ინსტიტუტის დასრულების შემდეგ კი ახალგაზრდა მსახიობი საფრანგეთს დაუბრუნდა და პირველი როლებიც მიიღო.

ყველაფერი კი მათიო კასოვიცთან შეხვედრით დაიწყო: რეჟისორის პირველ ფილმში „მეტისი“ მონაწილეობს შემდეგ 1992 წელს , ვენსან კასელმა მიიღო როლი ფილმში „სიძულვილი“ 1995 წელს, ვინცის როლმა მას ცეზარის ორი ნომინაცია მოუტანა, საუკეთესო იმედისმომცემი მამაკაც მსახიობის და საუკეთესო მსახიობის. სცენა კი სადაც ის რობერტ დე ნიროს „ტაქსისტს“ იმეორებს საკულტო გახდა. მისმა კარიერამ აღმასვლა დაიწყო.

მისმა უნიკალურმა სახემ, გამჭოლმა მზერამ და ჩინებულმა აღნაგობამ ამ ყველაფერთან ერთად კი უდიდესმა სამსახიობო ნიჭმა კასელი მსოფლიო მასშტაბის მსახიობად აქცია და ის წარმატებით თამაშობს ჰოლივუდის ფილმებშიც სტივენ სოდერბერგის „ოუშენის 12 მეგობარი“ 2004 წელს, დარენ არონოვსკის „შავი გედი“ და „ჯეისონ ბორნი“ და ა.შ

ვენსან კასელი პროფესიონალურ დონეზე სწავლობდა ბალეტს 6 წლის განმავლობაში. ასე რომ, როდესაც დარენ არონოფსკიმ მას ქორეოგრაფის როლი შესთავაზა „შავ გედში”, რეჟისორმა იცოდა, რომ ქარიზმასთან ერთად, ვენსანი პროფესიონალურად მიუდგებოდა ცეკვების დადგმის სცენებს. „არასდროს მქონია სურვილი, გამოვსულიყავი პროფესიონალი მოცეკვავე, უბრალოდ, ვიცოდი, რომ ცეკვა მსახიობობაში გამომადგებოდა”.

ვენსან კასელს თავისი ხანგრძლივ ფილმოგრაფიაში ორ ათეულამდე უარყოფითი როლი აქვს შესრულებული. თმაგადახოტრილი ვინცი „სიძულვილში”; თავზეხელაღებული მძარცველი დობერმანი, ამავე სახელწოდების ფილმში; შეშლილი ჯოზეფი „შაიტანში”; განგსტერი ჟაკ მერინი „სახელმწიფოს მტერი ¹1” და სხვა. „რატომ ვირჩევ ბოროტმოქმედების როლებს? იმიტომ, რომ ეს არის რეალური ცხოვრება. კინო – ეს არის ხელოვნება და როდესაც ადამიანი მიდის კინოთეატრში, მან უნდა მიიღოს სიამოვნება და დაივიწყოს პრობლემები. უარყოფითი პერსონაჟის გარეშე კი, დადებითი როლის შემსრულებელი სათანადოდ ვერ გამოჩნდება ეკრანზე.” – ესეც ვენსან კასელის თავისებური ახსნა.

ვენსან კასელი ფლობს ბრაზილიური ორთაბრძოლის სტილის, კაპოეირას ილეთებს, გატაცებულია კრივით, ცეკვითა და სასტენდო სროლით. მერინის როლისთვის მსახიობმა 20 კილოგრამი მოიმატა და თავად მსახიობის თქმით, მსგავს ექსპერიმენტში იგი არასდროს მიიღებს მონაწილეობას.