ჯიჯი ჰადიდი მელანია ტრამპის პაროდიის გამო ბოდიშს იხდის

ეს საინტერესოა - 18:16, 22 Nov, 2016

14757

21 წლის ამერიკელმა მოდელმა ჯიჯი ჰადიდმა აშშ-ის მომავალი პირველი ლედის პაროდიის გამო ბოდიში მოიხადა.

„ბოდიშს ვუხდი ყველას, ვინც გავაღიზიანე. მე მხოლოდ საუკეთესოს ვუსურვებ ჩვენს ქვეყანას“ - წერს მოდელი.

შეგახსენებთ ლოს ანჯელესში ამერიკული მუსიკის დაჯილდოებას (American Music Awards) წელს მოდელმა ჯიჯი ჰადიდმა და კომიკოსმა ჯეი ფაროამ უმასპინძლეს.

შოუს გახსნისას ჯიჯი ჰადიდმა მელანია ტრამპის პაროდიაც გააკეთა და საზოგადოებას მელანიას მიერ მიშელ ობამას სიტყვის "მოპარვაც" შეახსენა -

"მე ძალიან მიყვარს ჩემი ქმარი, პრეზიდენტი ბარაკ ობამა და ჩვენი შვილები , საშა და მალია" - განაცხადა მოდელმა მელანია ტრამპისთვის დამახასიათებელი მზერითა და ტუჩების მოძრაობით.

მოდელის პაროდიამ საზოგადოებაში არაერთგვაროვანი რეაქცია გამოიწვია. საზოგადოების ნაწილმა მოდელი გააკრიტიკა და განაცხადა, მელანია ისეთივე ემიგრანტია, ისევე როგორც ჯიჯი ჰადიდის მშობლები და ევროპული აქცენტით საუბარი და მელანია ტრამპის დაცინვაზე თუნდაც მხოლოდ ამიტომ უნდა ეთქვა. თანაც თუ გავითვალისწინებთ იმას, რომ მისის ტრამპი ყოფილი მოდელია, ჯიჯიმ ამით მოდელების დისკრედიტაცია მოახდინდა და ხაზი გაუსვა, რომ ისინი "სულელები" არიან.