ტრანს-წყნარი ოკეანის პარტნიორობიდან აშშ-ის გასვლა- ტრამპის პირველი გეგმა ინაუგურაციის შემდეგ

მსოფლიო - 10:59, 22 Nov, 2016

6712

აშშ-ის არჩეულმა პრეზიდენტმა დონალდ ტრამპმა ვიდეომიმართვა გამოაქვეყნა, სადაც მის მომავალ გეგმებზე საუბრობს.

მისი თქმით, პირველი რასაც ინაუგურაციის შემდეგ გააკეთებს, ტრანს-წყნარი ოკეანის პარტნიორობიდან ამერიკის გასვლის პროცედურის დაწყება იქნება.

ტრამპმის თქმით, პარტნიორობა აშშ-სთვის პოტენციურ კატასტროფას წარმოადგენს და მისი გაუქმება ახალ სამუშაო ადგილების შექმნას შეუწყობს ხელს.

ტრანს-წყნარი ოკეანის პარტნიორობიდან აშშ-ის გასვლა ტრამპის საარჩევნო პროგრამის ძირითად პუნქტს წარმოადგენდა. რესპუბლიკური პარტი გამუდმებით ამტკიცებდა, რომ პაქტი ვაშინგტონისთვის წაამგებიანი.

ტრანს-წყნარი ოკეანის პარტიონობის ხელშეკრულებას, შვიდწლიანი მოლაპარაკებების შემდეგ ხელი მიმდინარე წლის თებერვალში მოეწერა და ბარაკ ობამას პოლიტიკის ქვაკუთხედს წარმოადგენს.

სავაჭრო პაქტი ითვალისწინებს საქონელსა და მომსახურებაზე საბაჟო გადასახდელების გაუქმებას, აზია-წყნარი ოკეანის რეგიონში.

ხელშეკრულებას ხელს აწერს 12 ქვეყანა : ავსტრალია, ბრუნეი, ვიეტნამი, კანადა, მალაიზია, მექსიკა, ახალი ზელანდია, პერუ, აშშ, სინგაპური, ჩილე და იაპონია.