კონგრესმა შესაძლოა, ხელი შეუშალოს რუსეთთან გადატვირთვის პოლიტიკას

კონგრესმა შესაძლოა, ხელი შეუშალოს რუსეთთან გადატვირთვის პოლიტიკას - Washington Post

მსოფლიო - 18:28, 21 Nov, 2016

2638

კონგრესმა შესაძლოა, ხელი შეუშალოს რუსეთთან გადატვირთვის პოლიტიკას - ამ სათაურით აქვეყნებს სტატიას გავლენიანი გამოცემა Washington Post-ი.

როგორც სტატიაში აღნიშნული, ტრამპის გეგმას აშშ-რუსეთის ურთიერთობების გადატვირთვის შესახებ, ვაშინგტონის პოლიტიკურ საზოგადოებაში ძლიერი წინააღმდეგობა მოჰყვა.

გამოცემის თანახმად, დაწყებული ბრძოლა პირველი გამოცდა იქნება იმის, შეძლებს თუ არა დონალდ ტრამპი ამერიკის საგარეო პოლიტიკის ორიენტაციის ძირეულ შებრუნებას პოლიტიკური გუნდის სურვილების საწინააღმდეგოდ.

როგორც სტატიაშია აღნიშნული, კამპანიის ფარგლებში ტრამპმა პირობა დადო, რომ ვლადიმირ პუტინის ხელისუფლებასთან საერთო ინტერესს გამონახავდა და ეჭვი გამოთქვა იმ ბრალდებების ავთენტურობასთან დაკავშირებით, რომლებსაც ხშირ შემთხვევაში კრემლის წინააღმდეგ იყენებდნენ, მათ შორის ამერიკის მნიშვნელოვან პოლიტიკურ ორგანიზაციებზე კიბერთავდასხმასა და ამერიკის საარჩევნო პროცესებზე გავლენის მოხდენის მცდელობაზე.

„ახლა, როდესაც ტრამპი აირჩიეს, კანონმდებლები და რუსეთის საკითხების მიმომხილველები ორივე მპარტიიდან შიშობენ, რომ ტრამპის გუნდი რუსეთთან ორმხრივი ურთიერთობების ცვლილების განხორციელებას მოახდენს, რაც რუსეთს არა მხოლოდ გაათავისუფლებს პასუხისმგებლობისგან, არამედ ამერიკისა და მისი ევროპელი მოკავშირეების ინტერესებს მსხვერპლად შეწირავს.

ვაშინგტონში, ბრძოლა, რუსეთთან ურთიერთობების დათბობის მცდელობის წინააღმდეგ გასულ კვირას დაიწყო, როდესაც სენატის შეიარაღებული ძალების კომიტეტის თავმჯდომარემ ჯონ მაკკეინმა ტრამპის გეგმას სირიის საკითხებთან დაკავშირებით პუტინის ადმინისტრაციასთან ითანამშრომლოს, „მიუღებელი“ უწოდა და ახლო აღმოსავლეთში მოსკოვის მიერ ჩადენილი არაადამიანური ქმედებების გამო , პრეზიდენტის მომავალი ადმინისტრაციისგან საჯაროდ მოითხოვა კრემლთან კონფრონტაციულ რეჟიმში დარჩენა” - ნათქვამია სტატიაში.

სტატიაში ნათქვამია, რომ სენატორები ჯონ მაკკეინი და ლინდსი გრემი კონგრესის დელეგაციის შემადგენლობაში საქართველოს, უკრაინასა და ესტონეთს ეწვევიან.

ვიზიტი დონალდ ტამპის ინაუგურაციამდეა დაგეგმილი.

WP-ის ცნობით, სენატორები საქართველოში, უკრაინასა და ესტონეთში ვიზიტისას დაადასტურებენ აშშ-ის განზრახვას, შეეწინააღმდეგონ რუსეთის აგრესიას.

აშშ-ის ახალარჩეული პრეზიდენტის ინაუგურაცია 20 იანვარს არის დაგეგმილი.