ინდოეთის ჩრდილოეთ ნაწილში მომხდარი სარკინიგზო ავარიის შედეგად გარდაცვლილთა რიცხვი 100-მდე გაიზარდა. დაშავებულთა რიცხვი 150-ს აღწევს.

შემთხვევა 20 ნოემბერს დილის საათებში მოხდა. ავარიის გამომწვევი მიზეზი ჯერჯერობით უცნობია. ერთერთი მგზავრის განცხადებით, მატარებელი ნორმალური სიჩქარით მიდიოდა, შემდეგ უცებ შეჩერდა და როდესაც დაიძრა, რელსებიდან გადავიდა.

დაღუპულთა უმრავლესობა ლოკომპტივის შემდეგ განლაგებული სამი ვაგონიდანაა. დაშავებულთა უმრავლესობა ჯერ კიდევ ვაგონების ქვეშაა მოქცეული.

ინდოეთის ხელისუფლებამ გამოძიება უკვე დაიწყო. მათი განცხადებით, დაღუპულთა და დაშავებულტა ოჯახებს ხელისუფლება გარკვეულ კომპენსაციას გადაუხდის.