ბაქოში 25 წლის აისელ აზიმზადეს 5 ტყუპი - 4 ბიჭი და 1 გოგო გაუჩნდა, თუმცა, სამწუხაროდ, ისინი მალევე გარდაიცვალენ. მშობიარობა ნაადრევი იყო. ამ ფაქტმა აზერბაიჯანშა და მის ფარგლებს გარეთ დიდი ვნებათაღელვა გამოიწვია. ინტერნეტმომხმარებლები ლეტალურ შედეგში ექიმებს ადანაშაულებდნენ და მათ დასჯას მოითხოვდნენ. დიდი საზოგადოებრივი ინტერესიდან გამომდინარე, ბაქოს პერინატალური ცენტრის დირექტორმა სავინჯ მამედოვამ სპეციალური განცხადება გაავრცელა.

"გაცნობებთ, რომ ეს იყო აისელ აზიმზადეს მეორე მშობიარობა. პირველი მშობიარობის დროს მას 2 ტყუპი ჰყავდა, თუმცა მათი შენარჩუნება ვერ მოხდა და მშობიატრობა ნაადრევად შეწყდა.

მეორე მშობიარობის დროს აზიმზადე არაერთხელ გააფრთხილეს, რომ მისი ჯანმრთელობის მდგომარეობის გამო, ექიმები ყველა პირმშოს სიცოცხლის გარანტიას ვერ იძლეოდნენ და უმჯობესი იქნებოდა 5-დან ორის ან სამის შენარჩუნება, რაზედაც მან უარი განაცხადა. მშობიარობის პერიოდში აზიმზადე მუდმივად იღებად სხვქადასხვა მედიკამენტებს, რათა მშობიარობა ნაადრევად არ შეწყვეტილიყო, თუმცა, 11 ნოემბერს იგი სისხლდენით იქნა მოყვანილი ჩვენთან. ექიმების პირველადი დასკვნით, დედისა და ბავშვების სიცოცხლეს საფრთხე ემუქრებოდა. სამწუხაროდ მშობიარობის შედეგად ბავშვების სიცოცხლის შენარჩუნება ვერ მოხერხდა. მათი წონა 200-დან 400 გრამამდე იყო," - განაცხადა მამედოვამ.