განცხადებაში პატრიარქი მოუწოდებს თბილისის მერიასა და მთავრობას, რომ გააუქმონ ჰომოსექსუალებისათვის დემოსტრაციის გამართვის ნებართვა.

" როგორც საზოგადოებისთვის ცნობილია ამა წლის 17 მაისს, რუსთაველის გამზირზე დაგეგმილია სექსუალური უმცირესობების და მათი მხარდამჭერების შეკრება, რომელიც მიზნად ისახავს არა ამ ადამიანების რეალური პრობლემების მოგვარებას, არამედ თემით სპეკულირებას. რადგან ფაქტია, ჩვენს ქვეყანაში დამკვიდრებული ტრადიციული აზროვნების მიუხედავად მათ შეუზღუდავად შეუძლიათ წარმართოთ თავისი პირადი ცხოვრება. ფაქტია ისიც, რომ არის ზოგადსაკაცობრიო ღირებულებები, რომლებიც საერთოა ყველა დროსა და სივრცეში, მათ შორისაა ზნეობრივი კანონები. თბილისის მერიამ და ხელისუფლებამ უნდა გაითვალისწინოს ეს და უნდა გააუქმოს ჰომოსექსუალებისათვის მიცემული ნებართვა დემონსტრაციისა, მითუმეტეს, რომ დღეს მთელ ქვეყანაში საყოველთაო გლოვაა მოყვასისათვის განწირული ვაჟკაცებისა, შევნიშნავ იმასაც, რომ საერთაშორისო ორგანიზაციები ცალსახად იძლევიან იმის უფლებას, რომ საზოგადოებრივი ინტერესების გათვალისწინებით უწესრიგობისა და დანაშაულის თავიდან აცილების, სხვათა უფლებების და ღირსების დაცვის მიზნით შეიძლება შეიძღუდოს გამოხატვის თავისუფლება"- ნათქვამია კათოლიკოს პატრიარქის მიერ გავრცელებულ განცხადებაში.