როგორც არასამთავროების მიერ გავრცელებულ განცხადებაშია ნათქვამი, აღნიშნული გადაწყვეტილებით სახელმწიფო სტუდენტებს თანამედროვე სტანდარტების შესაბამისი განათლების მიღების შესაძლებლობას ართმევს.

"ჩვენ მივიჩნევთ, რომ სტუდენტების განათლებას უნდა ენიჭებოდეს პრიორიტეტი.

საქართველოს განვითარებისთვის აუცილებელია განათლებული თაობა. განსაკუთრებით მნიშვნლოვანია ტექნიკური სფერო, რომელიც ჯერ–ჯერობით ჩვენს ქვეყანაში დაბალ დონეზეა.

როგორც საზოგადოებისთვის ცნობილია, ბათუმის ტექნოლოგიური უნივერსიტეტის შენობა აღჭურვილია უახლესი აპარატურითა და ლაბორატორიებით, რაც სტუდენტს მეტ შესაძლებლობას მისცემს, მიიღონ მაღალი დონის განათლება საკუთარ ქვეყანაში.

სახელმწიფო ვალდებულია არ წავართვას ქართველ ახალგაზრდებს თანამედროვე სტანდარტების შესაბამისი განათლების მიღებისა და შესაძლებლობების რეალიზების საშუალება.

კოალიცია საზოგადოებრივი ინიციატივა და დამოუკიდებელ სტუდენტთა საინიციატივო ჯგუფი აქტიურად ჩავერთვებით, რომ თავიდან ავიცილოთ განათლების მიღების ახალი კერის მოსპობა საქართველოში. ვაპირებთ შევაგროვოთ ხელმოწერები სტუდენტებში და ოფიციალურად მივმართოთ განათლების მინისტრს"- ნათქვამია არასამთავრობოების მიერ გავრცელებულ განცხადებაში.