ბობ დილანი ნობელის პრემიის დაჯილდოებას არ დაესწრება

მსოფლიო - 16:51, 17 Nov, 2016

2366

ბობ დილანი სტოქჰოლმში ნობელის პრემიის დაჯილდოებას არ დაესწრება.

ამის შესახებ შვედური კომიტეტი იტყობინება.

ნობელის კომიტეტის მიერ გავრცელებული განცხადების თანახმად, დინალს ძალიან უნდა დაჯილდოების ცერემონიას დაესწროს, რომელიც 10 დეკემბერს გაიმართება, თუმცა მას კონტრაქტებით გათვალისწინებული საქმეები აქვს, რასაც ვერ გადადებს.

„გუშინ საღამოს ბობ დილანისგან წერილი მივიღეთ, რომლითაც გვიხსნის, რომ ადრე დადებული კონტრაქტებიდა და მოლაპარაკებების გამო, დეკემბერში, სტოკჰოლში ჩასვლას და ცერემონიაზე დასწრებას ვერ მოახერხებს. მან კიდევ ერთხელ აღნიშნა, რომ აღნიშნული პრემია მისთვის დიდი პატივია” - ნათქვამია განცხადებაში.

იმისათვის, რომ ბობ დილანმა ნობელის პრემია მიიღოს, 10 დეკემბრიდან ნახევარი წლის განმავლობაში სტოკჰოლმში უნდა ჩავიდეს და საჯარო ლექცია წაიკითხოს. ეს კომიტეტის ერთადერთი მოთხოვნაა.

შეგახსენებთ, 13 ოქტომბერს ლიტერატურის დარგში ნობელის პრემია ლეგენდარულმა მომღერალმა და მწერალმა ბობ დილანმა მოიპოვა. ნობელის კომიტეტის წევრების შეფასებით "დილანმა ამერიკული სიმღერის ტრადიციებთან ერთად, პოეზიის ახალი სახე შექმნა."

რამდენიმე დღე ნობელის პრემიის კომიტეტი ბობდ დილანს ვერ უკავშირდება.

დილანი კომიტეტის ზარებს არ პასუხობს. მოგვიანებით კომიტეტმა განაცხადა, რომ დილანთან დაკავშირება მოხდა.