უკრაინის შინაგან საქმეთა მინისტრის მოადგილის ინტერნეტში გამოქვეყნებულმა ინტიმურმა ფოტოებმა ქვეყანაში დიდი ვნებათაღელვა გამოიწვია.

არსენ ავაკოვის მოადგილე ევროინტეგრაციის საკითხებში, ანასტასია დეევა, უკრაინის ისტორიაში ყველაზე ახალგაზრდა მინისტრის მოადგილეა, იგი 24 წლისაა, დაოჯახებული. იგი ამ თანამდებობაზე 2016 წლის 26 ოქტომბერს დაინიშნა.

აღნიშნული ფოტოები მან სოცქსელებში ჯერ კიდევ 2010 წელს განათავსა, როდესაც სტოკჰოლმში ცხოვრობდა. თუმცა, დაუდგენელმა პირებმა ისინი რამდენიმე დღის წინ თავიდან ატვირთეს. მოსახლეობის ერთი ნაწილი მიიჩნევს, რომ ასეთი ფოტოების ავტორი ასეთ მაღალ თანამდებობაზე არ უნდა იყოს.

თავად დეევა ამ ფაქტის სასწრაფოდ გამოძიებას და სასამართლოში ჩივილს აპირებს.

"მე ვიცოდი, რომ ჩემს წინააღმდეგ შეტევები აუცილებლად განხორციელდებოდა, თუმცა ასეთ სიბინძურეს არ ველოდდი. სამწუხაროდ, ფაქტი ეს უკრაინის პოლიტიკის ბინძურ სახეს კარგად ასახავს," - აცხადებს დეევა.