სამების საკათედრო ტაძარში რიგით 46-ე საყოელთაო ნათლობა ჩატარდა. პატრიარქის ნათლული კიდევ 500 ბავშვი გახდა.

ნათლობის დასრულების შემდეგ, ტაძარში უწმინდესი მიბრძანდა და შეკრებილებს მცირე ქადაგებით მიმართა.

ილია მეორემ ნათლობის მნიშვნელობაზე გაამახვილა ყურადღება და ნათლულები დალოცა. პატარებს კი, საჩუქრად ნათლობის მოწმობები და ჯვარები გადაეცათ.

ჩვილთა პირველი საყოველთაო ნათლობა 2008 წლის 19 იანვარს გაიმართა. პატრიარქის ინიციატივის მიზანი, საქართველოში დემოგრაფიული მდგომარეობის გაუმჯობესებაა.

დღეისთვის უწმინდესს 30 200-მდე ნათლული ჰყავს. ისინი ჯვარდაწერილი ოჯახების მესამე და მომდევნო შვილები არიან.