"გავაგრძელებთ მუშაობას ჩვენს ახლო პარტნიორთან საქართველოსთნ" - სტოლტენბერგი ოფიციალურ მოსკოვს პასუხობს

მსოფლიო - 15:14, 15 Nov, 2016

2233

ნატოს გენერალური მდივანი იენს სტოლტენბერგი საქართველო-ნატოს ერთობლივ წვრთნასთან დაკავშირებით რუსეთის საგარეო საქმეთა სამინისტროს განცხადებას გამოეხმაურა.

ამის შესახებ სტოლტენბერგმა ბრიუსელში, ევროკავშირისა და ნატოს მინისტრების შეხვედრის დაწყებამდე საზოგადოებრივი მაუწყებლის კითხვაზე პასუხად განაცხადა.

"რასაც ნატო აკეთებს, არის თავდაცვითი და სრულ შესაბამისობაში საერთაშორისო ვალდებულებებთან. გავაგრძელებთ მუშაობას ჩვენს ახლო პარტნიორთან საქართველოსთან. მე ვიმყოფებოდი საქართველოში და მივესალმები საქართველო-ნატოს შორის პარტნიორობის განვითარებას და გაძლიერებას. ზოგადად, მიმაჩნია, რომ მნიშვნელოვანია, სიმშვიდე შევინარჩუნოთ და ცივი გონებით ვიმოქმედოთ, მოვძენოთ გზები დაძაბულობის ესკალაციის თავიდან ასაცილებლად, გავაგრძელოთ რუსეთთან მოლაპარაკებები, რათა რეაგირება მოვახდინოთ სხვადასხვა საკითხებზე, მათ შორის ჩვენს საზღვრებთან სამხედრო აქტიურობაზე. ამას ნატო აკეთებს კიდეც. ჩვენ უახლოეს მომავალში ნატო-რუსეთის საბჭოს მორიგი შეხვედრის გამართვას ვგეგმავთ, ეს არის რუსეთთან პოლიტიკური დიალოგის არხების შენარჩუნების საშუალება" - აღნიშნა ალიანსის გენერალურმა მდივანმა.

შეგახსენებთ, რუსეთის საგარეო საქმეთა სამინისტრომ ნატო-საქართველოს სამხედრო წვრთნებთან დაკავშირებით განცხადება გაავრცელა, რომლითაც აცხადებს, რომ ოფიციალური მოსკოვის პოზიციით, სამხედრო სწავლება საფრთხეს უქმნის რეგიონში სტაბილურობასა და მშიდობას.