აშშ-ის ძალებს შესაძლოა, ავღანეთში სამხედრო დანაშაულთან ჰქონდეთ კავშირი

აშშ-ის ძალებს შესაძლოა, ავღანეთში სამხედრო დანაშაულთან ჰქონდეთ კავშირი - ჰააგის სასამართლო

მსოფლიო - 15:10, 15 Nov, 2016

2603

სისხლის სამართლის საერთაშორისო სასამართლოს მთავარი პროკურორის ფატუ ბენსუდას განცხადებით, აშშ-ის შეიარაღებული ძალები და ცენტრალური სადაზვერვო სამმართველოს თანამშრომლები შესაძლოა, პასუხისმგებელნი იყვნენ ავღანეთში სამხედრო დანაშაულზე.

ამის შესახებ სასამართლოს მიერ მომზადებულ ანგარიშში ა საუბარი.

დოკუმენტის თანახმად, ამერიკელ სამხედროებს შესაძლოა, კავშირი ჰქონდეთ 2003 წლის მაისიდან 2015 წლის იანვრამდე პერიოდში დაკავებული 61 პირის წამებასთან.

„როგორც ჩანს, აშშ-ის შეიარაღებული ძალების წევრებმა მინიმუმ 61 დაკავებული პირი აწამეს, სასტიკად ეპყრობოდნენ, მათ ღირსებას ლახავდნენ ავღანეთის ტერიტორიაზე, 2003 წლის 1 მაისიდან 2014 წლის 31 დეკემბრის განმავლობაში.

ცენტრალური სადაზვერვო სამმართველოს თანამშრომლებმა შესაძლოა, აწამეს , სასტიკად მოეპყრნენ ან ღირსება შეულახეს მინიმუმ 27 დაპატიმრებულ პირს ავღანეთში, 2002 წლის დეკემბრიდან 2008 წლის მარტის პერიოდში” - ნათქვამია სისხლის სამართლის საერთაშორისო სასამართლოს ანგარიშში.

ანგარიშს გამოეხმაურა აშშ-ის სახელმწიფო დეპარტამენტის წარმომადგენელმი ელიზაბეთ ტრუდო. ის აცხადებს, რომ გამოძიების დაწყების საფუძველს ვერ ხედავს.

პენტაგონის წარმოამდგენელმა ჯეფ დევისმა კი განაცხადა, რომ გამოძიების დასაწყებად უწყება სასამართლოსგან დამატებით დეტალებს ელოდება.