რუსეთი ნატო-საქართველოს სამხედრო სწავლებაში სერიოზულ საფრთხეს ხედავს

რუსეთი ნატო-საქართველოს სამხედრო სწავლებაში სერიოზულ საფრთხეს ხედავს - რუსეთის საგარეო უწყება

მსოფლიო - 13:23, 15 Nov, 2016

3332

რუსეთის საგარეო საქმეთა სამინისტრო ნატო-საქართველოს სამხედრო წვრთნებთან დაკავშირებით განცხადებას ავრცელებს და აცხადებს, რომ ოფიციალური მოსკოვის პოზიციით, სამხედრო სწავლება საფრთხეს უქმნის რეგიონში სტაბილურობასა და მშიდობას. აღნიშნული განცხადება, საგარეო უწყების ვებგვერდზე გამოქვეყნდა.

„ჩვენ ყურადღება გავამახვილეთ ნატო-საქართველოს მორიგ სამხედრო წვრთნებზე, რომელშიც მონაწილეობას იღებს 250-ზე მეტი სამხედრო 13 ქვეყნიდან. წელს ეს უკვე მესამე სამხედრო წვრთნა, რომელშიც რამდენიმე ქვეყანა მონაწილეობს და რომელიც საქართველოს ტერიტორიაზე ტარდება - Noble Partner-ისა და Agile Spirit-ის შემდეგ. ადგილი აქვს საქართველოს შეიარაღებული ძალების ოპერატიულ მომზადებას ნატოს სტანდარტებით, რომელშიც ალიანსის სამეთაურო-საშტაბო სტრუქტურები აქტიურად არიან ჩართულები.

რუსეთი აღნიშნულ აქტიურობაში ხედავს სერიოზულ საფრთხეს რეგიონში სტაბილურობისა და მშვიდობისთვის. შეშფოთება არაერთხელ გამოუთქვამს საქართველოს სხვა მეზობლებსაც - აფხაზეთს და სამხრეთ ოსეთს. ჩვენ ყველას გვახსოვს, თუ დაპირებამ ნატოს წევრობაზე ბუქარესტის სამიტზე როგორ უბიძგა საქართველოს დანაშაულებრივი თავდასხმისკენ რუსეთის სამშვიდობო ძალებზე და ცხინვალის მშვიდობიან მოსახლეობაზე 2008 წლის აგვისტოში.

ნატო-ში არ მალავენ, რომ ამჟამინდელი სამხედრო პარტნიორობა თბილისთან განიხილება როგორც რუსეთის „შეკავების“ პოლიტიკის ნაწილი. ის როლი, რომელსაც საქართველო ამ კონტექტსში თამაშობს, ართულებს რუსეთ-საქართველოს ურთიერთობების გაუმჯობესების პროცესს“ - ნათქვამია რუსეთის საგარეო უწყების განცხადებაში.