ინტერნეტის თავისუფლების მიხედვით, საქართველო თავისუფალი ქვეყნების პირველ ათეულშია

ინტერნეტის თავისუფლების მიხედვით, საქართველო თავისუფალი ქვეყნების პირველ ათეულშია - Freedom House

მსოფლიო - 10:19, 15 Nov, 2016

4809

საერთაშორისო ორგანიზაცია Freedom House-მა მსოფლიოში ინტერნეტის სივრცის თავისუფლების შესახებ 2016 წლის ანგარიში გამოაქვეყნა. ანგარიშში, რომელიც ინფორმაციას 65 ქვეყნის შესახებ მოიცავს, საქართველო 25 ქულით თავისუფალი ქვეყნების პირველ ათეულში მოხვდა, ევრაზიის რეგიონში კი საუკეთესო მდგომარეობა აქვს და ისევე როგორც შეერთებული შტატები, კანადა და ევროკავშირის სახელმწიფოები, რუკაზე საქართველოც მწვანე ფერით არის აღნიშნული.

საქართველოს მსგავსად, 25 ქულა აქვს მინიჭებული საფრანგეთსა და იტალიას.

ყველაზე თავისუფალი ინტერნეტის მქონე ქვეყნების პირველ ხუთეულში შედიან ესტონეთი, ისლანდია, კანადა, აშშ, გერმანია. მას მოჰყვებიან ავსტრალია, იაპონია, დიდი ბრიტანეთი, საფრანგეთი და საქართველო.

ანგარიშის მიხედვით, ზეწოლისგან თავისუფალია ინტერნეტსივრცე სომხეთშიც, ნახევრად თავისუფალია უკრაინაში. რუსეთსა და თურქეთში კი რთული მდგომარეობაა. ანგარიშში გაკრიტიკებულია რუსეთის ახალი ანტიტერორისტული კანონი, რომელიც თავისუფლებას ზღუდავს.

ამ მხრივ ყველაზე ცუდი ვითარებაა ჩინეთში, სირიაში, ირანში, ეთიოოიასა და უზბეკეთში.

ანგარიშში აღნიშნულია, რომ 2015 წლიდან დღემდე, სოციალურ ქსელებში აქტივობისთვის ადამიანები 38 ქვეყანაში დააპატიმრეს.