დოდონის გამარჯვება რუსეთ-მოლდოვის ურთიერთობებს გააძლიერებს

დოდონის გამარჯვება რუსეთ-მოლდოვის ურთიერთობებს გააძლიერებს - გრიგორი კარასინი

მსოფლიო - 17:42, 14 Nov, 2016

1668

რუსეთის საგარეო საქმეთა მინისტრის მოადგილის გრიგორი კარასინის განცხადებით, მოლდოვის საპრეზიდენტო არჩევნებში სოციალისტური პარტიის ლიდერის, იგორ დოდონის გამარჯვებამ შეიძლება, გააფართოოს მოსკოვსა და კიშინიოვს შორის ურთიერთობების გაჯანსაღების შესაძლებლობები.

„დოდონის გამარჯვება ნიშნავს, რომ ურთიერთობების ნორმალიზების შესაძლებლობები ფართოვდება” - განაცხადა გრიგორი კარასინმა „რია ნოვოსტისთან“ საუბრისას.

შეგახსენებთ, 13 ნოემბერს, მოლდოვაში საპრეზიდენტო არჩევნების მეორე ტური გაიმართა, რომელშიც გამარჯვება პრორუსმა კანდიდატმა გრიგორი კარასინმა მოიპოვა.

პირველი ტურის შემდეგ 50%-იანი ბარიერი ვერცერთმა კანდიდატმა ვერ გადალახა. პირველი ტურის მონაცემებით პირველ ადგილზე სოციალისტური პარტიის ლიდერი იგორ დოდონი გავიდა, რომელმაც ხმების 47 პროცენტი დააგროვა, ხოლო მისმა მოწინააღმდეგემ მაია სანდუმ - 37.

როგორც ცნობილია, დოდნი თავისი პრორუსული განწყობებით გამოირჩევა, მან საარჩევნო კამპანია რუსეთთან მჭიდრო პოლიტიკურ-ეკონომიკური კავშირების აღდგენისა და ევროკავშირთნ ასოცირების ხელშეკრულების გაუქმების მოწოდებებზე ააგო.

მოლდოვა საპარლამენტო რესპუბლიკაა და პრეზიდენტს შეზღუდული ძალაუფლება გააჩნია, რის გამოც იგი თავად ვერ შეცვლის ქვეყნის საგარეო პოლიტიკურ კურსს, თუმცა, მისი არჩევა საკამო სირთულეებს შეუქმნის ქვეყნის ევროკავშირთან შემდგომი თანამშრომლობის პროცესს.