ამის შესახებ ინფორმაციას თავად "ინფო 9" ავრცელებს.

სააგენტოს ცნობით, დანაშაულში ეჭვმიტანილი "ინფო9"-ის ყოფილი თანამშრომელია, რომელიც გასული წლის აგვისტოდან წლის ბოლომდე, ხელშეკრულების დასრულებამდე, ოპერატორად მუშაობდა.

დაცვის კამერებით გადაღებულ კადრებში ჩანს, თუ როგორ შეიპარა ეჭვმიტანილი გამთენიისას "ინფო9"-ის ოფისში და როგორ გააჩინა ხანძარი. ეჭვმიტანილის დაკავების შესახებ ოფიციალურ ინფორმაციას შსს ხვალ გაავრცელებს.

შეგახსენებთ, დღეს, გამთენიისას, "ინფო 9"-ის ოფისში ხანძარი გაჩნდა. ცეცხლმა კამერების და სხვა ტექნიკის ნაწილი გაანადგურა.