ერთოთახიანი ბინის საპირფარეშოში თავი ჩამოიხრჩო 55 წლის აფხაზეთიდან დევნილმა ნაირა ქარცხიამ. გავრცელებული ინფორმაციით, თვითმკვლელობის მიზეზი ბანკიდან აღებული კრედიტებია, რომელსაც გარდაცვლილი ვერ იხდიდა. შემთხვევის ადგილზე მობილიზებული იყო საპატრულო პოლიცია და ზუგდიდის პოლიციის მთავარი სამმართველოს თანამშრომლები. საცხოვრებელი ბინის კარები სწორედ პოლიციის თანამშრომლებმა შეამტვრიეს.

საინფორმაციო სააგენტო სმო.ჯი-სთვის ასევე ცნობილი ხდება ისიც, რომ გარდაცვლილი ქალბატონი დადიანის ქუჩაზე ქირით ცხოვრობდა და ის ბოლო პერიოდში ბინის ქირის გადახდასაც ვერ ახერხებდა.