"პუტინსა და ტრამპს ბევრი საერთო პოზიცია აქვთ"

"პუტინსა და ტრამპს ბევრი საერთო პოზიცია აქვთ" - დუმის სპიკერი

მსოფლიო - 12:45, 14 Nov, 2016

1686

რუსეთის სახელმწიფო სათათბიროს სპიკერის ვიაჩესლავ ვოლოდინის განცხადებით, რუსეთის პრეზიდენტსა და აშშ-ის ახლადარჩეულ პრეზიდენტს დონალდ ტრამპს ბევრი ერთნაირი პოზიცია გააჩნიათ.

ამის შესახებ ვოლოდინმა НТВ-სთან ინტერვიუში განაცხადა.

„პუტინსა და ტრამპს ბევრი საერთო პოზიცია და შეხედულებების გადაკვეთის წერტილი აქვთ. დრო გვიჩვენებს, დარჩება თუ არა იმ განცხადებების ერთგული, რომელსაც აკეთებდა. დღეს, ამაზე საუბარი რთულია, თუმა ამის შესაძლებლობა ტრამპს გააჩნია“ - განაცხადა ვოლოდინმა.

მისივე თქმით, აშშ-ის ახლადარჩეულ პრეზიდენტის „იდეოლოგიური პრინციპები“ რუსეთთან ახლოს არის.

აშშ-ის საპრეზიდენტო არჩევნებამდე რამდენიმე კვირით ადრე, დონალდ ტრამპი აცხადებდა, რომ გამარჯვების შემთხვევაში რუსეთის პრეზიდენტს ვლადიმირ პუტინს აუცილებლად შეხვდებოდა და ეს შეხვედრა შედგებოდა მის ინაუგურაციამდეც.

აღსანიშნავია, რომ ტრამპი პუტინს გონიერ პოლიტიკოსად მოიხსენიებდა და გამოსვლებში აცხადებდა, რომ აშშ-რუსეთის დაძაბული ურთიერთობის მიზეზი ის არის, რომ ამერიკელი ლიდერები რუსეთის პრეზიდენტს ხშირად აყენებენ შეურაცხყოფას.